「無啦啦多左幾個家姐同細妹 Season 2」: 禍根
晨：「嘛，點講都好，送你地返去先啦，其他野遲D先處理。」
我：「我唔緊要，你送左我D朋友返去先喇。」
晨：「夠紳士，十四，阿偉，送佢地走。」
就係咁，Cody佢地就被送走左，得返我，阿欣同晨哥留係小食部。
佢地直至走既時候都無講過任何野，Cody同Kathy神情仲有D慌亂。
唉，嚇親D朋友添。
晨：「諗緊乜？」
我：「eh…唔知呢，而家個腦除左痛都無其他野啦。」
晨：「明白，咁你都係返去先啦，有乜都等UT過左先處理。」
「May姐已經係門口等緊你，我送你出去。」
二家姐！？
我：「你將件事話左俾二家姐知！？」
晨：「呃…有乜問題？」
晨哥似乎比我既激動嚇親，我第一次見佢呆滯左一秒。
我：「唉我唔想佢地擔心咁多呀…」
晨：「哦，咁我都有考慮到呢樣野既，所以我只係話左俾May姐知。」
我：「唉…」
晨：「係佢將件事話我知，仲叫我好好睇住你架喎，咁我話俾佢知又有乜問題。」
我：「件事係指…」
我講既時候用手指一指地下，因為我唔sure阿欣係咪知情同晨哥想唔想佢知。
晨：「係吖咪呢件事，你都算好野，轉左校又做左咁多功夫，但呢D事始終都係跟住你。」
我：「唔好笑我喇晨哥，你估我好enjoy比人打架咩…」
晨：「哈哈，好喇真係要行，唔好要May姐等咁耐。」
晨哥講完就走埋黎扶起我帶我出去，但我地行到一半，就見到兩個人係操場迎面行緊埋黎。
兩個人我都識，一個係二家姐，而另一個係…
大家姐。
大家姐一見到我就開始跑埋黎，緊緊抱住我，無錯係緊緊，抱到我鬼死咁痛。
但我無講出口，其實係唔好意思講出口。
人地咁緊張自己，又邊好意思抱怨人地攬痛自己吖。
大家姐：「擔心死我啦阿明，你有無事吖！？」
唉，又要大家姐擔心我添。
相比起大家姐，二家姐就非常冷靜，甚至應該可以用冷漠去形容佢。
佢同晨哥兩個行埋一邊傾野，我諗應該係傾我既事。
我忍唔住，嘆左一口氣。
大家姐：「我聽左阿May講，你保護左兩個女仔喎。」
我：「咁…無理由要人地因為我受傷架嘛。」
大家姐：「叻仔，你今次好勇敢，所以唔好諗太多住喇。」
唔好諗太多..
二家姐傾完一輪之後就走左埋黎望一望我，咩都無講就掉頭走，大家姐就扶住我跟住二家姐。
返去既車程唔知係咪因為無人講野，好似特別漫長咁，大家姐甚至訓著左，挨左係我身邊。
因為實在太悶，我忍唔住望左去二家姐度，發現佢一直係度玩電話，唔知睇緊乜。
好奇心既驅使下，我係咁裝二家姐部電話，可惜佢痴左防偷窺mon貼，我咩都睇唔到不突止，仲搞到俾二家姐發現左。
二家姐：「望夠未？知唔知咩叫私隱？」
我：「Sorry…都係八卦下啫。」
二家姐：「哼，你點呀，d傷痛唔痛？」
我：「其實真係好痛…」
二家姐：「真係無用，明知唔夠人打就跑啦，又要學人扮英雄。」
「不過算啦，下次唔好喇，唔好要我..要人為你擔心。」
嗯？我係咪聽錯？
我：「二家姐你頭先係咪…」
家姐：「講開又講人地而家已經搵人打你，你有線索對方係咩人未？」
啊講起呢件事…
我：「阿惠之前搵過我，講左好多有關今次既事比我知，我已經將呢d野話哂俾愛麗絲知，等緊佢覆。」
二家姐：「你學校有無咩可疑既人？好似你之前個frd咁…」
二家姐講後面個句既時候我注意到佢好故意收細聲量，好似係在乎我感受咁。
我：「唉，原本我都以為係有，但一個查過之後係唔關事，另一個就應該都唔關事。」
二家姐：「應該？唔好放過任何可能性好喎。」
我：「但係佢係今日同我一齊遇到班口罩人既女仔其中一個喎…佢嚇到傻左咁，同埋邊有人會叫打手係有可能誤傷自己既情況下做野架…」
二家姐：「真係咁就好…」
就係我想繼續討論件事既時候，車居然已經返到屋企。
大家都即刻扮咩事都無發生過咁落車，就連頭先訓到死豬咁既大家姐都自己起左身，好似明星咁靚靚地落車。
弊啦，二家姐佢地出黎既時候會唔會唔小心洩露左比Sarah佢地知呢？
都係要諗定點樣解釋先得。
係二家姐推開屋企大門個下，我緊張到吞左啖口水。
一步一驚心咁行入屋，但我未見到佢地既身影。
之後我地繼續推進，行到去客廳先見到佢地，仲有我老母同羽晨，佢地四母女好融洽咁一齊坐哂係度睇電視。
佢地甚至投入到連我地已經返左黎都唔知，直至二家姐坐落梳化，佢地先「啊？」一聲叫左出黎。
Sarah：「咦點解你地三個會一齊返既？
」死啦，我居然諗唔到佢地會問呢個問題添。
二家姐：「坐車係街邊見到佢，所以咪載埋佢返黎，你地唔係聽日要UT咩，仲係度睇電視既。」
Sarah：「溫完所以咪同Auntie一齊睇陣電視囉，你地食左飯未？蘭姨頭先話差唔多開飯。
」我：「我食左架啦，我有D眼訓，上房先啦..」
都係避開佢地好D，如果對住佢地食飯，容乜易比佢地發現我受傷。
Sarah：「你無乜野呀阿明？你好似…唔係咁精神既？
」Yui：「你係咪唔舒服..？洗唔洗我叫醫生黎？
」我：唔洗唔洗..可能只係溫書溫得太攰，加上頭先有小小暈車浪，所以咪…
」屌，好似真係唔係咁妥，上到去真係要即刻沖個涼先得。
如果上到條樓梯的話..
大獲，要快D行先得，佢兩個已經用D奇怪眼光望住我，再唔行就肯定會比佢地問長問短…
腳呀腳，生性D…啦？咦？老母你做乜？
點解我會咁詫異？因為我老母居然走左埋黎扶住我。
老母：「無鬼用！咁大個仔仲暈車浪！
」「家晨你地去飯廳坐低先啦，我扶完個傻仔上房就落黎。
」大家姐：「知道Auntie~行啦Sarah，Yui你帶羽晨去洗手先啦~
」多得老母同大家姐，總算分散到Sarah同Yui既注意力。
老母一步步咁扶我返房，好似細個教我行路個陣咁。
好快，我就係老母既扶持下，係自己間房坐低左。
老母仲以一個迅雷不及掩耳既速度閂門，之後就好緊張咁跑埋黎我度。
老母：「衰仔！你搞乜黎呀？
」我：「咩搞乜啫，咪話係溫書囉…
」老母：「仲呃阿媽，一睇你個死樣就知你同人打交黎啦！
」果然老母睇得出。面對老母既法眼，我只好深深咁嘆一口氣，然後除左自己件校服，俾佢睇我身上既傷。
連做左幾廿年人，經歷過六四，九七回歸，兩次金融風暴既老母睇到我身上既傷都不禁嘩左出聲。
老母：「阿仔你搞乜呀同人打到咁激…去到新學校就處處忍讓嘛，阿媽以前都咁同你講架…」
我：「唉…打我既人唔係新學校架…係…我都唔知點講好…」
老母：「好啦阿媽唔逼你講啦，快d去沖個涼，浸個熱水浴，咁可能會舒服D架，一陣我拎D野食上黎比你啦。」
我：「唔該，記住唔好將件事話比…」
老母：「知啦，唔好話比䁱晨同泳琦知吖嘛，阿媽識做架啦。」
果然，世上只有媽媽好。
多得大家既隱瞞，消息總算無傳到去Sarah佢地度，就連Ellie都唔知道我比人打。
我咁樣成功捱過四日UT，到真係考完個一下，我既痛楚都隨住考卷一齊交左俾阿Sir。
好喇，都係時候諗返件事啦。
對方居然請到人黎打我…咁即係話肯定唔會係善意啦，根據張紙碎，佢既目標應該係七星，但點解我都會關事？我明明…
如果呢個人係同阿威講既人係同一個人既的話，咁我應該係識佢，佢應該會係聖所羅王既人？
我係聖所羅王應該已經無得罪人架啦？係邊個咁想我…
阿希：「喂，阿明你無野吖嘛。」
嗯？
我：「你指乜野..？」
阿希：「你既傷…」
我：「哦，好得七七八八啦，有心。」
Kathy：「打你既係咩人？你係咪得罪人？
」我：「我估…唉你地都係唔好知咁多比較好。」
咁岩係呢個時候，我電話就響，係愛麗絲打黎，真係救左我一命。
我：「喂？」
愛麗絲：「我終於拎到你個Friend份探訪記錄，我而家send比你睇，你睇下覺得邊個名可疑就話我知，我再查下。」
我：「哦哦好呀，唔該你。」
收線之後幾秒，我就收到一份List，上面都幾多名下，我幾乎全部都唔識，淨係得阿惠個名同…
Anna都有去過探阿威？仲要唔只一次？
難怪既，畢竟大家都做左幾年朋友，我理解Anna。
都無乜人名覺得熟眼喎…咦咪住先…
「張永樂」..？
阿威講既唔通係佢..？點解佢個名會係度…？
佢明明已經…
死左先係架..？
