夾錢中左六合彩頭獎, 但keep飛果個唔見左...: (20)

我地落到去，周圍搵下睇睇有冇車， 

「仆街車都唔多架，睇怕都唔使旨意截的士啦！」我話， 

「你地身上真係冇乜錢？夾埋先得一千幾百？」發仔突然問， 

然後，每個人同時轉過頭望住我， 

「屌！我冇呀！咁嘅時勢仲特登收埋Ｄ錢咩！」我大聲抗議， 





「唔係喎，你條度縮撚次次俾錢都扮醉扮唔舒服，咁多年的士數都走唔少啦！」泥頭指住我話， 

「上次食飯你未俾錢！兩舊！」大舊忽然好記性， 

「屌…..家下中左六合彩我仲會走你數咩！」我話， 

「你一撚定會！」三條友同聲同氣咁講， 

「咔嚓！」 





「喂有車啦！」紅棍向我地招手，好彩啫逃過一劫， 

只見佢隨手就撬開左架車，仲手法純熟地開埋引擎， 
仆街，呢條友做犯法野真係寧舍有天份！

五個人迫左上車，負責開車嘅正正就係小弟， 

「坐穩未呀契弟們。」我問， 

「點解你每次一揸軚盤，眼神同語氣都會變撚左個阿叔咁？」發仔問， 





「嘿，你問我點解？」我從鼻孔哼左一聲， 

「阿叔細個係大陸生活，15歲開始就幫老豆揸車送貨，」我解釋， 

「咁撚得意？一路向北送豆腐？」泥頭問， 

「錯！係一路向西送雞煲！」我擰轉頭好型好自信咁向班友微笑， 

「屌！睇路啦！！！」泥頭指住前面大嗌， 

Oh Sor，我連開車習慣都同祖國接軌埋， 

幾個落坑跑道慣性甩尾後，我地已經開到碼頭。