夾錢中左六合彩頭獎, 但keep飛果個唔見左...: (7)

聽人講就講得多, 實際上香檳大廈係邊真係得泥頭一個知。 

行過去先知原來幢野好近,差唔多係正美麗華商場隔離, 離諾士佛臺只有大概五分鐘路程。 

「嘩, 門面又殘又舊, 成間工廠咁, 呢度真係你所講既叫雞聖地?」發仔質疑道。 

「咁係咪要有大大個招牌, 發哂光咁寫住「雞竇」你先信吖? 」泥頭不屑道。 

「喂, 點解會有細路仔揹住書包係入面行出來既? 早熟都唔係咁呀嘩?!」我指住前面個小學生問。 





「所以話你見識少, 人地呢度係住宅大廈來家, 有其他人喺入面住又有咩咁出奇?」泥頭回應道。 

「喺呢啲咁既煙花之地成長, 呢位細佬將來必定係人中龍鳳。」紅棍點頭道。 

「住宅 ? 乜原來香檳大廈唔係酒店來家。怪唔知得連Bell Boy都無個啦。」發仔問。 

「問咁多把撚咩? 入到去你咪知咯。」泥頭一馬當先衝左入門口。

雖然係中午, 但係大廈入面既光線嚴重不足,成條走廊昏昏暗暗, 仲有一股難聞既酸縮味。 

泥頭有如一匹色途既老馬, 帶領住我地直入香檳大廈既心臟地帶。 

「又話呢度好旺, 點解好似無咩人咁既」出名驚鬼既發仔係呢啲陰森既環境驚到口都震埋。 

「依家幾點呀, 俾你都唔會日光日白出來叫雞啦，生人唔生膽。」泥頭理所當然道。 

「喂, 你地睇下, 每一間房門都貼左好多野家喎。」紅棍道。 





驟眼睇來, 就好似地產分行咁, 不過呢度既房門貼既唔係「高層遠景」,「間格四正」之類既樓盤資料, 而係「新到陀地」,「秘撈學生妹」等等既宣傳標語, 配合住一張張挑戰底線既海報, 真係睇到人熱血沸騰。 

「呢度咁多間房, 我地點知孱仔係邊呀?」紅棍問。 

「無辦法, 睇怕要逐間逐間搵。」大舊道。 

「好, 就從呢間開始先啦」我伸手想去敲一間寫住「大吉大利大波大」既門。 

「咪撚敲呀!! 」泥頭喝住左我。「你敲既話入面啲雞會以為有人查牌家。你睇唔到每道門隔離都有個鐘咩, 就係俾你攞來㩒家, 唔係咩叫㩒鐘仔呀。」 

「哦, 如來係咁。有怪莫怪, 細路仔唔識世界。」我㩒左門旁既鐘一下。