每個人，都試過鍾意一個讀VA既女仔: 第五十九章

「呢個問題每個人都有唔同既答案，包括你。」KITTY活像一個哲學家般說著些看似極為虛無的話。
 
「點解你咁鍾意CYNTHIA，咁想同佢一齊？」
 
我又再次被問得啞口無言。
 
KITTY看我久久未有答話，便自行了結話題﹕「總知依家唔好諗咁多，考埋個試先再算。之後既事就之後先諗啦，反正無論你依家做咩都好，佢都唔會理你，只會有反效果。」
 
我總覺得自己有點兒「無語問蒼天」的感覺。
 




雖說要專注於考試之上，兒女私情什麼的理應放於一角。但作為一個重情感的男孩，要我突然拋低一樣在三個月裡不離的事，確實有點難度。
 
你問我最後考試出嚟既成績係點？
 
差，係好撚差。
 
「麥俊傑，其實你想點呢？」MISS.TIN待派發所有試卷後把我揪出來，課外於教員室門外問道。
 
「我都唔想架……」
 




如無記錯的話，該次考試我好像只有中文和通識是剛剛好躺在合格線上。
 
「做咩呀，同你女朋友仔分咗手？」
 
「我都想……慘就慘在連分手既機會都冇……」我倒是和CYNTHIA給予我一個分手機會，可以未拍拖，又何來分手？
 
「中學生追唔到女仔有幾出奇喎，你依家先中四，之後仲有兩年俾你慢慢嚟……」miss.tin接著說:「不過如果你既成績都仲係咁既話，你分分鐘可以讀多一年。」
 
「唉……我都想考好個試呀，點知考試前幾日先搞啲咁既事出嚟。」
 




「我個人就唔介意讀書既時候拍拖既，不過你始終要記住一點，學生點都係學業為重，唔應該俾感情所影響。」
 
我倒是同意miss.tin的觀點，畢竟也聽罷許多二人交往，一同奮鬥的故事。
 
「咁你依家有咩打算呀？」
 
「我剩係知我真係好愛佢，不過佢都開始避開我……原本諗住用考試嚟證明我都有上進心，不過睇嚟都可以返去訓陣先。」我帶苦澀的微笑道出這番話。
 
「你有冇上進心我就唔知啦，不過我覺得你太感情用事就真，你唔應該俾身邊發生既事影響得你太多。」
 
「我應唔應該放棄？」
 
「呢條問題我答你唔到，不過你要記住，唔好做啲會令你後悔一世既事。」MISS.TIN拾起書櫃上需要批改的簿本﹕「我中學既時候都有放蕩過，有機會再同你分享吓我個故事啦﹗」
 
我拍拍自己的額頭，失笑了。




 
如果我話放棄，做得到咩？
 
「喂，既然大家都考得咁差啦，不如今日放學一齊去陽光到打返三粒先啦。」加拿大仔一副對分數亳不在意的表情。
 
「唔係喎，我今次考得幾好喎，你估我可唔可以上台握吓校長隻手？」
 
「係啦威啦，考得好咪更加應該去打吓機祝吓佢囉﹗喂，傑哥仔，差你一個喎。」若是日常，他未開口我已一口答應。
 
但係由今日開始，再唔係咁。
 
「唔去啦。」
 
「考得唔好啫，下次考試之前溫多兩日書咪得囉。」加拿大仔沒料到我居然說不。
 




「我要證明俾佢睇，我今次真係會改變自己。」我亮起戴在左手手腕的手繩﹕「佢話我冇上進心，話我成日都口甜舌滑呀嘛，我就改晒佢，直至成為佢理想既男朋友。」
 
這手繩，我也不知何時購買，只是有天在房中尋到。但它卻無時無刻地提醒著我，改去CYNTHIA討厭的各種性格。
 
「又係條女呀？到底你既生存係咪剩係因為條女架？」肥正矛頭直指向我身上。
 
「唔係既，咁如果佢真係因為條女而肯改吓佢啲死人習慣都唔係一件壞事呀。」加拿大仔替我辯駁道。
 
「衰就衰在佢乜狗屎垃圾都因為條女呀嘛﹗大佬呀，醒吓啦好嗎？我一早就話條女對你冇意思架，只係啱啱分手想搵個水泡呀﹗」
 
「你又知？」我厲起雙眼，死死地盯著肥正。
 
「你唔好以為無條件付出，乜都為條女著想就要愛佢啦。愛情係雙向架，我想問吓條女為咗你做過啲乜呀？送禮物？整索袋？」
 
「係乜撚野都冇做過呀﹗」