每個人，都試過鍾意一個讀VA既女仔: 第五十八章

「你係咪傻咗？」
 
肥正忍不住口連番指罵﹕「人地依家已經唔想見到你，厭你煩。你仲要寫埋晒啲千文字，以為自己係文青係才子呀？」
 
「咁我唔想放棄呀嘛……」
 
「冇人叫你放棄，只係叫你一步一步嚟，你咁樣同嗰啲變態跟蹤佬有咩分別？」
 
「咁我依家可以點做呀……」我也明白犯下了大錯，要不然也不會找來肥正尋求協助。
 




「唔該你暫時都唔好再搵佢，你俾啲時間佢冷靜吓，諗吓自己想要咩。」
 
「咁我依家可以做啲咩？唔通我剩係得個等字？」以我的性格，恐怕會按捺不住，不日不夜地找她。
 
「有，就係努力啲考好個試，話俾佢知你有上進心。」
 
「你覺得我依家咁想可以專心到響考試到咩……」我一手持著電話，別的手機械性的翻著書本。
 
「大佬，你專心唔到但係我可以呀﹗星期五考英文，唔該你唔好煩住我，有咩留返考完試再講﹗」
 




肥正連「再見」都沒說，一手便掛上了電話。
 
要證明給CYNTHIA，我也是一個有上進心的男生……
 
我要讓CYNTHIA看到，我也能成為她理想中的男朋友﹗
 
「好，開始溫書﹗」把電話放在書桌之上，與此同時，打開CYNTHIA的WHATSAPP ICON已作溫習的原動力。
 
咦？是家中的WIFI壞了嗎？怎麼還未出現她的個人頭像？
 




我開啟了電話裡的流動數據，以便成功讀取。
 
都係唔得。
 
「點解會咁既？」待電話重新開啟過後，發現事情並沒有任何改善。
 
「會唁會係因為佢想轉過個ICON，但係又一時未搵到用邊張相呢？」
 
這句自我安慰，一秒過後便立馬被打臉，不攻自破。
 
不單是ICON，就連她的STATUS，最後上線時間都看不到。
 
簡單的解釋一下，她把我給封鎖了。
 
「冇理由既，一定係WHATSAPP唔知做咩有BUG啫﹗」我依舊不相信眼前的事實，趕緊打開IG查看，以解內心中的急促的情緒。




 
CYNTHIA的IG帳號中，只要有提及我的照片都被消失，無一幸免。
 
而她的私人IG，更是和WHATSAPP一樣，把我狠狠地封鎖。
 
點解……有咁既？
 
難不成，我真的過於煩憂，令她困擾嗎？
 
「叫咗你唔好纏住人架啦。」肥正沒好氣地回答著﹕「乖啦，就考試啦，俾我讀吓書啦。」
 
「咁我點呀……」
 
回想起前兩個星期，CYNTHIA和我一起在自修室溫習的情景，和她一同戴著同一條頸巾，用著同一個耳機聽同一闕歌……
 




「我讀書……都係為咗佢。」
 
「喂，哥仔。其實你既生命係咪剩係得佢一個呢？」
 
這個問題，我無法回答。
 
並不是解答不了，而是不忍面對現實。
 
我掛了電話，房間中只留下我一人，以及一股從香薰傳出的熱情果味。
 
我的生命就真的只剩她一人嗎？
 
當然不是……對吧？
 
愛一個人，當時是要投入百分的愛。儘管我和CYNTHIA的而且確是未能成為伴侶，但要是愛她，無條件的付出是必須的……




 
對吧？
 
「傻仔，俾啲時間自己同埋佢，等大家都冷靜返先，再諗吓雙方需要啲咩。」還是KITTY的語氣來得柔和，讓我感到被關懷。
 
就好似同CYNTHIA一齊咁……
 
「你唔洗溫書咩？」
 
「要架，不過你都同樣重要。」有時候，友情的確能媲美愛情。
 
「你覺得愛一個人，應唔應該亳無保留咁付出？」不知為何，我對自己的價值觀出現了懷疑。
 
「唔應該。」KITTY不加思索便繼續說道﹕「就算你有幾愛一個人都好，你都要將自己放響第一位。」
 




「點解？」
 
「因為你一開始付出咗幾多，到時失敗既時候，你就要承受同樣的痛苦。」
 
如此一說，倒是令我生出了第二記問題。
 
「咁點解人仲要戀愛？」