每個人，都試過鍾意一個讀VA既女仔: 第五十七章

「喂，你冇野呀嘛？」
 
KITTY在當晚WHATSAPP關心道。
 
「做咩咁問呀？」
 
「肥正叫我睇吓你點呀嘛。」
 
「吓，你地仲有野講架？」在我認知當中，分手後是不應藕斷絲連，再有聯絡。
 




「咁你係我地兩個既朋友，關心吓你都好正常既。」
 
「你覺得，我可以點樣搵返CYNTHIA？」我思索了一會後補充道﹕「我想同似你同肥正咁，做返朋友。」
 
「……」
 
KITTY隔了許久後才回答﹕「點解？」
 
「因為……因為……」我吞吐著該用哪個用詞﹕「我仲未死心。」
 




「但係你要知道如果唔得既話，所承受既痛苦會比依家多好多倍。」
 
「我未試過，我唔知會發生咩事，我剩係知依家既我好唔甘心。」
 
「既然你心入面都有答案，咁我諗無論我地講咩你都聽唔入耳架啦……」KITTY發了個「加油」的EMOJI。
 
「你係咪嬲咗我？」
 
我鼓起勇氣，打上了這六個字並發送給CYNTHIA。
 




「？」
 
「我地……仲係朋友？」
 
「嗯。」
 
照情況看，結局正在偏向壞方面發展。
 
因為我倆之間已再無話題可言。
 
不過比起話題，意欲這才是二人對話中的最大敵人。
 
話題這回事，只要花心機，必然能找到。但要是一方壓根兒沒有意欲聊天，再好的話題也只會匆匆了事，隨便說上什麼好讓打發你離開。
 
因此，我止住了指頭的移動，總覺得若果把現有僅存的熱情放在一隅，之後便再無任何機會翻身。




 
愛情就像是M記的薯條，要是未能即場食罷，回到家後再吃已經不對味。
 
我有必要讓CYNTHIA知道我對她的愛意是有多麼的濃烈，願意承攬起一切的責任與承諾。
 
「我唔知點同你講好，但係……經過呢幾個月，我覺得……」
 
說穿了，我根本再也沒有什麼掏得出來讓CYNTHIA有她所謂的「感動」。
 
我只能用上我醜陋的文字，表達內心最真實的情感。
 
「我想你俾多次機會我，我唔知點解我會咁講，事實上，身邊既人都叫我放棄，都話我同你性格都唔啱，就算一齊都唔會長但係我想講，性格唔啱可以夾到啱，點解唔可以？
 
我唔知你之前點解會咁同我講，可能你覺得啲人成日都拎我同你嚟講，好煩。你覺得我成日煩住你，令你一啲自由空間都冇，俾多次機會我，我一定一定唔會好似以前咁。
 




咩禮物呀，索袋呀，我都可以唔要，我剩係想要你俾多次機會我，我唔知點做先令你感動，但我覺得如果我唔將自己好想對你講既野講出嚟，呢一生都會好後悔。
 
你同我做過既所有野，我都好清楚咁記住，你所講既每一句，我都記得一清二楚。我知你有鍾意過我架，我知你有期待過聖誕架，點解依家會變成咁？我愛你呢三個字，你話過佢係一個承諾，所以唔可以輕易講出口，但係我好想同你講﹕我愛你。」
 
只見CYNTHIA在線上了一會後便立馬關上手機，未有任何回覆。
 
我猛然驟覺自己過於衝動。
 
既然她現在心情不好，恐怕說上什麼都只會火上加油。
 
麥俊傑，你唔係話暫時剩係想同佢講返朋友咩？你會唔會對住朋友講呢啲野？
 
後悔早已來不切，CYNTHIA一早看罷，現在想必是怒火中燒，恨不得隨手抓到什麼便給狠狠地咬一口。