每個人，都試過鍾意一個讀VA既女仔: 第五十六章

「喂，其實你又唔係失戀，人地唔受溝啫，洗唔洗咁唔開心呀？依家好似死老豆咁做咩啫？」
 
我知道加拿大仔只想逗我一笑，可是任我擠都再也擠不出一個虛偽的笑容。
 
「點解佢要咁對我……」
 
「咁人地真係睇唔到同你有未來呀嘛……」
 
「咁點解佢要一直同我曖昧？」
 




肥正和加拿大仔見我沒神沒采，卻又不懂如何安慰，也未有上前對話。因為大家都知道這時候，獨處比起慰藉更為有用。
 
反正老師教的都聽不進，我乾脆伏在桌子上， 補充昨天睡眠的不足，閉目養神。
 
然而，當我閉上眼之時，cynthia再次在我思潮中出沒。
 
不，本次我要克服。
 
我要克服我內心中的不安。
 




「麥俊傑，你嚟試吓呢一題。」
 
MISS.TIN見我伏在桌子上久久未有抬頭便問道。
 
「……」
 
「麥俊傑﹗」MISS.TIN拍打著黑板喚醒我。
 
我並不是因睡意而未有回答，更不是不懂得黑板上的問題的答案，只不過連站起來回答的動力也欠奉。
 




班上的氣氛此時卻凝固著，彷彿眾人也在等待著我回答答案。
 
我用雙手支撐著桌面，得以站起來。 本想開口回答，但發覺，原來我連擘開嘴唇的勇氣也沒有。
 
因為只要我怕一開口，眼淚便會忍不住湧出來。
 
肥正見勢色不對，身子不停地顫抖著，便從褲袋掏出一張紙巾並在枱底下塞到我掌心。
 
「呢題好簡單啫，ENJOY後面個動詞要加ING呀嘛﹗」加拿大仔搶著站起來回答道。
 
「依家我係問緊你咩？你咁叻就答埋下一題佢﹗」
 
「好呀，我最想就係證明俾你睇我上堂好專心咁聽你教書架﹗」加拿大仔朝著我們的方向打了個眼色。
 
我趕緊用紙巾拭拭雙眼，好讓淚還未正式流出便印乾。




 
感觸的並不是因為我再次想起了Cynthia，而是因為他們二人的舉動。
 
就像我星期五所想的一模一樣，無聲的窩心才是最體貼。
 
「女死女還在呀嘛！你睇吓我，分咗手咪又係一條好漢！」肥正從我手上接過飯盒，忍不住口說了一句。
 
「不過我地都知道，點都會有啲唔開心架啦。講明先呀，頹一兩日好啦，星期五開始考試啦。」
 
考試……為了這場考試，我還突意與CYNTHIA相約在自修室，儘管目的並不是溫習，但作為藉口則絕對恰當。
 
不行，現在身邊的每一件事都能與CYNTHIA扯上關係﹗
 
「我……」原來經歷一段時間再開口說話，聲音都會變得沙啞﹕「仲未想放棄。」
 




肥正與加拿大仔都側耳專心聽著。
 
「我地都明，但係你仲有咩方法？」
 
「佢話做朋友好啲，咁我同佢咪做返朋友先囉，之後再搵機會表多次白﹗」
 
看到曙光的我，整個人都元氣充沛，雙目有神的眺望遠方。
 
「你認真？」
 
「有咩問題？」
 
「再見亦是朋友呢句野呢…唔係永遠都啱用架……」肥正應是不忍心見到我頹廢的樣子，善意提醒道。
 
「你估佢唔同我一齊既原因係唔係因為就嚟考試，所以先唔想俾我打擾住？」




 
「乖啦，唔好咁傻啦，佢唔值得你浪費咁多時間架。」
 
「一定係咁﹗」我完全沒把他們二人說的話聽進耳中﹕「佢講過佢唔會收我做兵，所以佢唔會咁對我架，佢一定係有啲咩原因。」
 
「喂，條友痴咗線，可以點搞？」
 
「嗯……我諗諗佢。」
 
「你地係咪我兄弟先？」我像是喝醉似的搭著他們二人肩膀﹕「係咪兄弟做咩，你地都會支持先？」
 
「……」
 
「唔講就當你地都同意架啦，好兄弟﹗」
 




我掏出電話，打開CYNTHIA的對話。
 
本想打點什麼發送，但默然發覺……
 
我已經唔知仲可以同佢講咩好。
 
難不成突兀地說句﹕「考試加油呀，等你。」這樣子嗎？
 
我還是想不到該說些什麼。