每個人，都試過鍾意一個讀VA既女仔: 第四十九章

「喂，原來前幾日你先同完條女嘈過嚟呀？」肥正在星期五的早上問我。
 
「又係邊個同你講呀？」台上的老師又是在說著無聊的話，基本上無一學生正在聆聽。
 
「咁你同邊個講過呀？」
 
唉……果然是KITTY，到底我身邊有否一位可以放心把自己的心底話全說的朋友？
 
不過我並沒有正面回答肥正。
原因？好簡單。




 
首先，我並沒有向他說的必要，就算他得知整件事，對我也沒有半點幫助。
第二，也是重點所在……
 
我同CYNTHIA已經無事啦﹗
 
早會過後，每班一行一行地步回課室。就在這時候，我和CYNTHIA居然互有視線交投，繼而微笑點頭。
 
之後，佢就走先一步。
 




 
「點解呢？」肥正把我倆全看在眼內，忍不住問道。
 
「點解咩先？」
 
「點解又會好似冇事發生過咁呢？」
 
「咁……總有一個人要認衰仔架嘛。」的確，而且那個衰仔，亳無疑問地是我。
 
在與CYNTHIA不知第幾次吵架之後的隔天，我從樓梯上見到她，本身我怕她會給予我臉色而有想過回頭去多一趟廁所。




 
可是……我能清晰地見到她臉頰的酒窝。
 
「喂，你呢……嬲完未架？」回到課室後，我立馬掏出電話詢問。
 
「都冇嬲過你。」
 
太好啦，佢唔係覆我單字呀﹗
 
現在回想起來，當時的我還真的有夠卑微，光是她未有敷衍我了事已令我樂透半天。
 
「你覺唔覺得……我地成日都因為啲好小既事而嘈呀？」我已管不了她有否對我生氣，至少婪還在和我保持交流就足夠。
 
「係囉，同你一齊真係好似湊住個小朋友咁。」
 




「同我一齊？你同咗我一齊啦咩？」玩笑在這個時候總是極為有幫助。
 
「你又咁唔正經啦﹗」CYNTHIA隨後發了一個生氣的EMOJI﹕「我VA嗰到呢，有個同學識得占卜架﹗之後我就搵佢占咗一次啦。」
 
「占咗啲咩呀？」其實說實了，我對占卜真的未有太多研究，興趣和信任程度也不大。
 
「佢話你呀，成世人都係咁吊兒郎當冇嚟正經咁呀﹗」
 
稍等……
 
所以她占卜的問題，是有關我和她嗎？
 
「咁佢有冇話我地一齊咗之後會點樣？」我嘗試來一個旁敲側擊，讓她不知不覺間回答了我最為想得知的問題。
 
「佢話雖然我同你既星座係好夾，但係都未必可以成功到。」




 
去你的占卜﹗我可是相信命運是掌握在自己的手中﹗
 
「喂，講開又講，有乜理由剩係得我送頸巾俾你先？你係咪都應該有返少少意思呢？」我不想再深入那話題，隨口回了一句。
 
「咁你想要咩？」
 
其實我心裡早已有了一個答案，但我遲遲都未有說出。
 
因為我怕，我怕她又會胡思亂想。
 
但，我真的很想擁有這份禮物，一份她的前男友也曾經擁有過後的專屬禮物。
 
「我想要索袋。」
 




……
 
她給了個鄙視的表情符號，沒有加以任何字句說明。
 
我係咪又講錯咗啲咩？
 
「唔係既，其實可以送其他架……」我卻一時間未能想到有什麼需要或想要。
 
「喂，快啲收埋部電話啦﹗」雞脾姐用手肘批著我手臂。