每個人，都試過鍾意一個讀VA既女仔: 第五十章

「做咩呀？」我嚇得把手話隨手向書包一擲。
 
「今日通識測驗呀，溝女都唔該你留意吓身邊啲野啦﹗」通識？哼，壓根兒不需要理會，反正以我的能力，隨手一寫也能得到中上的分數。
 
「你唔係諗住呢條友仔可以響佢女神身上抽離到呀嘛？」回頭一望，肥正你還不也是剛剛把電話放進抽屜嗎？
 
有什麼資格說我？
不過肥正說得不是無他的道理，在評估裡的半小時，我的心一直都在CYNTHIA身上。
 
死啦，我係咪又令到佢唔開心？但係……我真係好想要呀嘛……




 
咦？書包突然傳出震動聲。為了不讓老師與其他學生聽到，我隨即把電話抽出，熱練地打開WHATSAPP。
 
等等，現在並不是一個查閱信息的好時間﹗怎樣也好，都必須忍到測驗過後方可翻閱。
 
但係……如果佢依家好嬲呢？
 
不行，待小測後我要馬上WHATSAPP她﹗
 
說什麼好呢？對不起嗎？




 
但我可沒做錯什麼呀﹗
 
唉……好吧，不論要說什麼也好，總知先找她就準沒錯了﹗
 
收過卷，我無視老師的法眼並直接於書桌上查看WHATSAPP﹕「唔撚係掛？」
 
「點呀？」雞脾姐被我一嗌所吸引住注意，硬要把頭擠進我眼線之內。
 
CYNTHIA連續發了兩個信息給我。




 
「我再諗啦，不過無論我送咩都好，你都唔可以唔要架﹗」這是第一個信息。
 
而第二個……
 
「然後未來男朋友，睇完唔覆﹗」
 
我係未來男朋友……我係未來男朋友呀﹗
 
「QUIZ呀……」我用上了畢生的抑制才能把心中的興奮掩蓋住，現實中的我卻把肥正攬得快要令他窒息至死。
 
「放……放開我……」
 
「你睇唔睇到佢講咩呀？佢叫我做未來男朋友呀﹗我今次真係得咗啦﹗」我完全無視肥正的求救，把遠處的加拿大仔一併叫來分享喜悅。
 




「唔好咁開心住先啦，一日未到聖誕，一切都有變數。」加拿大仔前來時不忙帶出一桶冷水﹕「你自己都識講啦，條女五時花六時變。」
 
「呢樣又真喎﹗仲有呀，聽人講呢，織頸巾送俾另一半呢，唔會開花結果架。」雞脾姐也不忙幫口道。
 
「你地兩個完全同我收聲﹗我就唔信呢一個星期可以發生啲咩大事﹗」我在此時鬆開鉗住肥正的手。
 
「你地不嬲都冇咩大事發生過架，所以我都唔明點解你咁都可以搭沉船。」加拿大仔見再沒什麼特別事情，便施施然的回到座位。
 
「未來男朋友」這五個大字，無疑為我打了支強心針，讓我幻想中的春天得以繼續存在。
 
打開她的IG，裡頭有不少照片都有我的身影，例如是WHATSAPP對話，水運會合照，還有一些我自己對號入座的感性caption。
 
咦？呢個帳號係……
 
有個不顯眼的帳號名為CXYXNX在下方的建議帳號中。CYN不就是CYNTHIA的縮寫嗎？




 
按下去後，發現裡的追蹤數目只有十多個，當中有個正是CYNTHIA所用的帳號。
 
這不就是她的私人帳號嗎？
 
雖然我並不太理解為何一人要辦那麼多帳號，但一想到可以從別的方法更了解CYNTHIA的內心世界，我亳不猶豫地按下「追蹤」。
 
以我和她現有的交情，總不會不讓我FOLLOW吧……