每個人，都試過鍾意一個讀VA既女仔: 第三十五章

「五十米背泳，第一次召集。」
 
「咁我去游水先啦。」我嘗試站起來，但發現雙腳不停地抖動著。
 
「屎忽你返嚟﹗你咁樣點去游水呀？」CYNTHIA半推半就的把我拉回座位上，繼續替我按摩小腳。
 
「咁係你話……」我還未說完，她已把話搶過去﹕「係啦係啦，銅牌我都要啦，我唔想睇到你又傷多次呀……」
 
「你既意思係……」我硬要在這個時候裝傻。
 




「我唔想再同你去多次醫院呀﹗」不知是陽光的關係，還是我的錯覺。
 
我總覺得CYNTHIA在說這句話的時候，臉頰紅紅的。
 
「肥正，你幫佢同陳SIR講佢受傷，游唔到之後既比賽啦﹗」儘管CYNTHIA對我和肥正的語氣實情是相差無幾，但我卻覺得她剛剛的擔心是真實反應。
 
我倆未有繼續對話，但她雙手運用著柔和力度在我小腳按摩，未有停下來。
 
如果SOD中的情節不單純是存在每位男性的幻想中，我是多麼的希望時間停止器正握在我掌心之中。
 




小腳的疼痛漸漸地褪去，可是我還是自私的沒有跟CYNTHIA道出這句話，反倒是安靜地享受著這帶著半點非分之想的時刻。
 
身邊不時有其他學生和老師走過，而有些更是帶著奇怪的眼光，但又如何？此時此刻，我只活在自己的世界，無視所有事物。
 
「喂，老實講，其實你係咪扮野啫？」
 
待了一會，我還是老實地跟CYNTHIA說我已經好多了，隨後肥正和加拿大仔便撐扶著我到更衣間裡頭更衣。
 
「我唔係你，唔會出呢啲下三流既招數。」我反了眼白眼，用毛巾拭乾身體。
 




「肥正你又係既，做咩問埋晒啲咁既問題喎，係人都知佢係扮架啦﹗不過條女信呢吓先神奇呀嘛……」加拿大仔搭著我肩膊﹕「估唔到原來你先係師傅，功力仲響肥正以上。」
 
「痴線。」
 
「勁啦，識得玩計中計，連我都差啲俾你呃埋﹗」肥正不懷好意的盯著我﹕「邊個教你架？」
 
「……」
 
其實我好想講，我真係抽筋……
 
不過我更加知道既係，我點講佢地都唔會信。
 
所以……
 
「你條女囉。」




 
「唔係掛，佢會教埋晒啲咁既野俾你？」肥正果然不相信這番話。
 
「信不信由你，冇你咁好氣﹗」我穿回學校運動服，拾回自己的游泳衣物便離開，留下食著花生的加拿大仔與滿臉問題的肥正。
 
回到游泳池，餘下的時間我都只能當座上客，幸好的是，CYNTHIA身旁正好有個空位……
 
仲洗問既？
 
我二話不說便坐了下去。
 
「哥哥乜你坐呢到架咩？」有一位天真無邪的中一學生問道。
 
「有咩問題呀？」
 




「嘻，原來想溝姐姐呀嘛……唔阻你地啦﹗」對不起，我必須更正，她絕非天真無邪。
 
「依家啲小朋友真係呢……」
 
「咁……你係坐呢到架咩？」我竟想不到，CYNTHIA與她問了同一道問題。
 
「唔係呀……不過我想坐你隔離，唔知可唔可以呢？」我不知哪來的勇氣，如此的回答她。
 
「屎忽。」只見她微微一笑，想必是接受我這答覆﹕「點呀你，隻腳仲有冇事？」
 
「有呀，好痛呀﹗」我立馬假裝痛楚的樣子。
 
「再扮呀你﹗唔理你呀﹗」CYNTHIA從身旁的袋子掏出水瓶，卻發現裡頭的水早已喝光。
 
「你估呢……晏啲有冇人陪我食飯？」我連忙拿出能量飲料給她，本想著她不會喝，想不到她竟一手接過﹕「我唔離口飲架啦。」




 
等等先……
 
佢係咪，直接飲我支野？
 
咁樣……我地算唔算係……
 
間接親吻？