每個人，都試過鍾意一個讀VA既女仔: 第三十四章

但是，你們還記得我剛剛說過，我還算漏了一樣事情嗎？
 
我喜歡在水中的感覺，因為在泳池中，只要你把頭壓進水內，便不會聽到任何外界的聲音，只有身體擊打著池水而發出清脆的水花聲。
 
在此時，頭腦不知是否游泳池中的水冰冷而變得特別冷靜和理智，集中地思考著內心的問題。
 
到底我響CYNTHIA心中，係一個咩地位既人？
 
佢係咪只係同我玩吓，甚至當我係佢前度既水泡？
 




佢有冇真係諗過，同我一齊？
 
基本上，以上所有問題我都無法給予一個肯定的答案，但是此時我只認清一件事﹕我對CYNTHIA係好認真。
 
雖然只認識了幾個月，但對她的愛意卻一天比一天來得深厚，也許……這就是傳說中的一見鍾情吧。
 
「咦？」
 
小腳突如其來的一痛，令我從思緒中抽回到現實。
 




做開運動的人都對此痛不會有任何陌生。
 
仆街，我抽筋呀﹗
 
「大獲。」我心知不妙，眼見面前不到十米便到達對岸。但這次是游一百米，因此我還要硬撐至回去﹗
 
三……二……一……
 
總算是碰到了池邊，身體命令我立馬止住一切動作，等待著被人拯救。可是一想起CYNTHIA，我便知道我不能在這時停下，我必須要游回去﹗
 




「頂撚住呀﹗」我在水中破口大罵，實情根本聽不到任何聲音，常人只看見水中冒起了幾個氣泡而已。
 
但這幾個氣泡，充滿著我對CYNTHIA滿滿的承諾。
 
我係絕對唔會放棄，我麥俊傑，講得出，就要做得到﹗
 
特別是CYNTHIA，就算是要我拼了命，也要游回去﹗
 
生硬地轉過身來，但雙腳用力撐池邊的時候，令小腳肌肉抗議聲音增大，害我連轉身動作都做不了，止在池邊。
 
此時，肥正也剛好要轉身，他冒眼瞄到我，想必也知道我現時的突發事情。我向他搖搖頭，他卻對我點頭便一個箭步撐牆出發。
 
唔得……響呢個時候停低既話，唔單止俾唔到獎牌CYNTHIA, 上到水仲要俾成班人笑……我一定要游返對面﹗
 
之後，我便只能像一個初學游泳的小孩子般，手腳完全不協調的游過對面。而池邊的救生員也一步一步的跟著我步回對岸，生怕我有什麼不測。




 
「對唔住……」豫記得被肥正扶回看台時，我不敢望著CYNTHIA說話，吞吐了半天只說出這三字。
 
「屎忽﹗」這語氣，並不是一道溫柔聲線﹕「邊個叫你死頂架？」
 
她一下子放下手中上的啦啦球，跪下並著手替我揉搓左腳小腳﹕「痛唔痛呀，洗唔洗細力啲？」
 
「我係右腳抽筋……」
 
「好心你啦，邊有人游一百米就抽筋架？」肥正接過KITTY的寶礦力喝著。
 
「喂你仲好講，你見唔到我對你搖晒頭咩？你做咩一野衝走咗？」
 
「吓？你唔係叫我唔洗理你咩？」肥正回想起當時的場景。
 




「仆街﹗」
 
我搖頭的意思，是叫他不要游那麼快，等待我。
 
「其實就咁既……」肥正坐在我身旁﹕「就算我等埋你又點呢？呢場比賽又唔係得我同你，今次你好彩啦，抽筋都俾你拎到塊銅牌。」
 
他說得也有道理……
 
「係呢……銅牌你要唔要呀……」
 
「你覺得我係啲咁CHEAP既女人咩？」CYNTHIA拍了一下我的小腳，痛得我緊皺眉頭卻不敢叫痛。