每個人，都試過鍾意一個讀VA既女仔: 第十四章

雖則輾轉反側還是睡不著，心情就猶如小學生去旅行時般，閉上眼都只會幻想著明天的情景。但是，夢魘始終還是大於一切，所有的幻想全都變為了夢境……
 
「黑色眼睛，沿途與你有過一幀風景……」我的電話鈴聲，正是周國賢的目黑。
 
「喂……」我從盲目地摸索電話到開口一刻，雙眼依舊未有打開。
 
「你同唔同我食埋飯架？」
 
咩話？
 




你們都有試過遲到吧？當你從睡夢之中驚醒過來，突然之間便會完完全全的給回過神來，睡意什麼的充充都會拋棄於不知哪裡去。
 
就好似我依家咁……
 
「食飯？可以呀……不過呢……可唔可以唔食譚仔呀？」其實我對譚仔的印象不是太好，上年年頭食罷竟然上吐下瀉。要不是那天見Cynthia心情不佳，恐怕我都不會陪她。
 
「嗯……都唔係唔得既……咁我同呀媽講我唔同佢食飯啦。」
 
「你依家響邊？我最快十五分鐘可以出到嚟架啦。」我一下子便跳落床便跑到廁所梳洗。
 




「唔洗咁急，我都係啱啱起身刷完牙啫。半個鐘之後坑口地鐵站等好冇？」
 
「好﹗」坑口地鐵站不就是我家附近嗎？她還真的有點貼心。
 
簡單的梳洗過後，開始對著衣櫃發呆。其實我本身可是對衣著沒什麼太大的觸覺，因為櫃裡的衣裳十根指頭也差不多數光了。
 
但這次嚴格來說，可是我倆第一次的約會，當然要穿得好樣一點！雖然約會地點是醫院，但對象才是重點對吧！
 
手機傳來震動聲，難不成是Cynthia？我趕緊找來電話查看，是Kitty。
 




「你真係去馬？」
 
「你咁講……係咩意思？」我停下手頭上的工作，等待著她的答覆。
 
「你係我朋友，所以無論你做咩我都是支持你，但係有樣野我真係要講明先……」見Kitty欲言又止的，想必是有什麼特別事要透露。
 
「佢真係唔係一般既女仔，佢啲脾氣同性格都好差，直頭係生人勿近嗰隻。所以如果你真係未確定係咪真係鍾意佢之前，請你諗清楚。」
 
「但係佢今日仲主動陪我去睇醫生喎……」我總不信Cynthia在我面前可是擺著第二副嘴臉吧。
 
再者，她壓根兒沒那必要。
 
「咁我就唔清楚啦，不過你都知佢啱啱同條仔分咗手，呢啲特別關頭之下，佢既心態就更加難捉摸。」我依然是覺得Kitty未有把她最想說的話給道出。
 
「大家都咁熟，不如你直接啲講你想同我講啲咩啦。」




 
「小心啲，佢有可能想收你做兵。」
 
做兵？
 
這句話震懾了我整個人，要不是我手夠穩，電話恐怕就被跌在地上。
 
而Kitty見我久久未有回覆便繼續補充：「我只係話可能啫，實際係點我真係唔知，所以先想叫你諗清楚啲係咪去馬，如果係既話，就要有呢個心理準備。」
 
「我……」我未有即時回答，但手頭上所有工作早已停頓。
 
我想試一次，我唔想呢個中學生涯有一個遺憾。
 
「有咩再搵我啦，二十四小時back up你。」Kitty看來也不忍心狠狠地打破我理想中的春天。
 




而言，當你沈溺在幻想中的世界時，便不會理會任何別人的叮囑。因此我很快便忘記Kitty的善意提醒，專注於選擇那件衣服比較合適。
 
「咁樣著冇問題呀嘛？」我對著鏡子為自己拍下一張自拍，並whatsapp加拿大仔和肥正。
 
「仆街晨早流流就咪放啲咁既野啦。」
 
「大佬你今日去飲咩？去醫院你都要襯衫？」
 
……
 
係咪我自己太過緊張呢？
 
「你咁樣真係死得，溝女最緊要就係平常心。如果你吓吓都衝到咁行既話，條女一定會俾你嚇親。」肥正又在教授他的愛情攻略。
 
不過這次，我卻同意他的觀點。




 
我沒再為身上的衣裳而煩躁，乾脆揹上背包便自覺帥氣的於群組上打上：「我上路啦。」