《我係窮郵差，專門幫陰陽相隔嘅親人送信》（書局上架中）: 131

 
今次，看守嘅人無再襲擊我，而我都好順利咁嚟到Maggie爸爸住嘅地方。
 
 
「爸爸，當你睇到呢封信嘅時候，請你唔好激動，因為有啲嘢其實我收買埋咗喺心，一直一直都無同你講過。
 
 
又或者我根本唔識講。
 
 


對唔住，我呃咗你一世。」
 
 
「粉中加油！粉中加油！」
 
 
場內熱鬧紛紛，啦啦隊揮灑汗水、整齊嘅舞姿同埋口號，為場上面嘅球員打氣。
 
 
呢場賽事觀賽嘅人真係人山人海，逼晒成個球場。


 
 
「傳波！」
 
 
「小心有鬼！」
 
 
「截咗！回防！」
 


 
「有我！」
 
 
Maggie一個左拐右轉，順手偷波，對手反應不及，大意失荊州。
 
 
衝刺如馬嘅Maggie，畀兩個球員盯住，佢一個假動作轉身，成功偷位上步，手輕輕將波遞進籃內。
 
 
全場歡呼。