《我係窮郵差，專門幫陰陽相隔嘅親人送信》（書局上架中）: 127

可惡，明明差少少。
 
 
「妳做乜嘢要走呀！」我呼喝佢，但佢無應，仲越叫越走。
 
 
細妹不嬲都係跑步高手嚟，我哩啲身體虛弱嘅根本無得同佢鬥。
 
 
正當我咁諗之際，係咁回頭望我嘅佢，唔小心迎面撞咗落條西裝友身上，佢跌咗落地下，亦順勢畀我追上佢。


 
 
「妳⋯⋯做咩要走⋯⋯」我喘住氣講。
 
 
「知唔知我搵得妳好辛苦。」
 
 
佢無答我，想起身逃跑時，好彩我反應夠快，畀我一手捉住佢。
 


 
「我好掛住妳哋呀⋯⋯」
 
 
眼淚唔知點解喺哩個時候，源源不絕咁湧出嚟。
 
 
我真係好憎喺人哋面前喊，仲要喺中環街頭，大街大巷，但我真係忍唔住。
 
 


「我真係好掛住你哋呀⋯⋯」
 
 
細妹有啲驚慌咁縮返隻手，佢眼神閃縮咁話：「對唔住⋯⋯」
 
 
「唔緊要，搵返妳哋就得。」
 
 
「唔係⋯⋯我嘅對唔住⋯⋯係我唔係你要搵嘅人。」
 
 
「咩話？」
 
 


「我⋯⋯我唔係你細妹。」