《我係窮郵差，專門幫陰陽相隔嘅親人送信》（書局上架中）: 120

 
王胤瀅聽到好入神，喺哩度佢話：「咁你前輩對你都幾好呀。」
 
 
「係幾好㗎。雖然佢總係唔會講出嚟，但睇得出佢對人好好。」
 
 
「一啲都唔似你。」王胤瀅咪咪嘴笑住咁串我。
 
 


不經不覺，電車到站，地鐵過後，我就咁漫步送佢返屋企，當返到屋企樓下時，佢就話：「我到啦。」
 
 
「嗯。」
 
 
「我知道⋯⋯聽日有套戲會上，你會唔會有興趣睇？」
 
 
「嗯⋯⋯好呀，反正我都好耐無睇過戲。」


 
 
「不過⋯⋯」佢有嘢想講，我已經搶先：「不過要分開畀⋯⋯」
 
 
「呵⋯⋯」佢笑住咁話：「再見。」

 
返到屋企，攰到我一嘢就瞓咗喺梳化。
 


 
大叔⋯⋯
 
 
無聊咁打開電視睇，新聞報道都係講負面嘢，哩排越嚟越多人自殺。
 
 
哩啲案件由每日一單，到兩單到三單。
 
 
跳樓、跳海、燒炭、上吊⋯⋯
 
 
我決定關咗電視就瞓覺。
 


 
今日返到郵局，娟姐就過嚟同我講：「有冇睇緊一單新聞？又有一個16歲嘅細路自殺。點解會咁嘅？呢排真係好多自殺既案件。」
 
 
我回答：「係呀真係好多，多到有啲好似唔係太尋常。」