《我係窮郵差，專門幫陰陽相隔嘅親人送信》（書局上架中）: 119

 
「我係⋯⋯你哋係⋯⋯？」
 
 
「我哋係郵差，為人間同陰間嘅人送信。」大叔拎出信。
 
 
將信交咗畀佢之後，佢背向咗我哋，個身不停咁抖動。
 
 


大叔拍拍我膞頭，示意我哋離開，畀佢一個人靜下。
 
 
「喺人間嘅信，代表住聯繫。但人間往陰間嘅信，往往代表住要放低。」大叔話。
 
 
完成今日嘅目標後，我哋就返返人間。
 
 
原來，喺陰間派下信都真係好攰。


 
 
當我哋醒返之後，總係有種怪怪地嘅感覺⋯⋯我同一個老男人一齊醒⋯⋯
 
 
我伸一伸懶腰後，大叔就同我講：「你今晚一個人？」
 
 
「嗯。」
 


 
 
「呃⋯⋯我屋企今晚會煮多咗飯，一個人食唔晒，你過嚟食。」
 
 
「大叔。」
 
 
「嗯？」
 
 
「多謝你。」
 
 
「我真係屋企煮多咗咋，你唔好亂諗呀。」


 
 
「總之多謝你。」