《我係窮郵差，專門幫陰陽相隔嘅親人送信》（書局上架中）: 118

 
「其實唔係，我只係怕畀媽咪鬧，無保護個妹。」
 
 
「哼係咩？」
 
 
王胤瀅畀錢時先發現無晒現金。
 
 


「我幫妳畀呀。」
 
 
「唔洗啦。」佢果斷咁拒絕，寧願用EPS。
 
 
「我哋坐電車囉？」
 
 
當我哋搭上電車後，佢就叫我講埋落去，有關前輩嘅事。


 
 
當我向大叔講咗我有瀕死經驗時，佢無乜大反應，只係淡淡咁話：「咁唔怪得啦。」
 
 
「唔怪得咩？」
 
 
「你係一個好彩嘅人，或者喺哩一切注定入面，你係比較特別。」
 


 
大叔講嘢無頭無尾咁，真係非常難明。
 
 
「第二條誡命，淨係可以幫人送一次信。」
 
 
「點解？」
 
 
大叔又無講嘢。
 
 
「又唔講得？」
 


 
「有啲嘢自己領悟係比較好，相信我。」
 
 
唔服氣嘅我穿跟住佢行，去到小雨老公嘅木屋，佢有一塊好細嘅田，正滿身都係泥巴都耕種緊。
 
 
「請問⋯⋯你係咪小雨嘅老公？」