《我係窮郵差，專門幫陰陽相隔嘅親人送信》（書局上架中）: 117

 
大叔哩個時候問我：「不過有樣嘢我想知。」
 
 
「咩？」因為頭先嘅事，令到我嘅態度都唔係咁好。
 
 
「你細個係咪曾經試過瀕死？」
 
 


「瀕死？」王胤瀅一邊喺雪櫃拎起枝水一邊問。
 
 
我哋哩個時候行到灣仔地鐵站附近，入咗一間便利店。
 
 
「就係細個嘅事。」
 
 
「到底係點㗎？」


 
 
「細個試過同阿妹去公園玩⋯⋯」
 
 
嗰時同細妹玩足球得好開心，兩個人都忘晒形，當我大力踢飛個波後，細妹為咗執波無為意出咗馬路，我拉開佢時畀車撞過。嗰時先真正明白咩叫眼前一黑。」
 
 
「你係一個好阿哥。」佢拍拍我膊頭講。