《我係窮郵差，專門幫陰陽相隔嘅親人送信》（書局上架中）: 114

 
 
「唔洗啦。」
 
 
估唔到陰間嘅人都咁盛意拳拳。
 
 
「唔係咁寂寞都唔陪下我老太婆嘛⋯⋯」佢神色幽傷咁講，搞到我有少少唔好意思同內疚，正想行入去之時，就被大叔拉住。
 


 
大叔手上嘅啤酒罐亦都唔知幾時唔見咗，佢捉緊我隻左手講：「第一條戒命就係，千萬唔好入人哋屋企。」
 
 
我唔太明白，就問：「點解咁講？」
 
 
「每個喺陰間嘅人，屋就係安身立命之處，代表住佢哋喺度嘅證明，而有人踏入佢哋嘅小屋，都代表你願意成為本來屋主嘅替代人，替代佢留喺度贖孽，成為新屋主。而佢就變成無孽嘅人。」
 
 


我聽到打冷顫話：「咁恐怖㗎？咁我咪差啲畀人呃咗？」
 
 
喺度咁耐我真係從來都唔知哩啲事。
 
 
回頭望返個女人，佢個樣明顯係氣急敗壞，嬲大叔破壞咗佢嘅好事。