《我係窮郵差，專門幫陰陽相隔嘅親人送信》（書局上架中）: 102

 
「阿妹⋯⋯？媽咪？」
 
 
奇怪，頭先佢哋唔係話一早返咗屋企㗎咩？
 
 
屋企⋯⋯空洞洞⋯⋯一個人都無。
 
 


佢哋無再出現過。
 
 
我係無啦啦唔見咗個妹同媽咪。
 
 
「細妹！細妹！」
 
 
以前睇劇，我一直都唔明白，點解分手又或者係傷心嘅時候，要一定落住大雨。但原來哩種叫做禍不單行。嗰日落住好大嘅雨，我係街上面來來回回走咗好多次。


 
 
去我哋一齊去嘅餐廳、一齊去嘅公園、一齊去嘅商場⋯⋯返屋企，再出街，點樣都搵唔到佢哋。
 
 
我成個傻仔咁，喺街上面叫叫嚷嚷，去到最後，終於等到24小時，去搵警察報案。
 
 
只不過，警察嘅介入，仍然無任何嘅幫助。佢哋就好似人間蒸發咗咁，從始就消失咗喺我眼前。