《我係窮郵差，專門幫陰陽相隔嘅親人送信》（書局上架中）: 103

 
 
一個嘅屋企，我開始一個人食飯、一個人睇電視、一個人行畢業禮。
 
 
 
我一個人喺屋企廢青咗好耐，每日都喺度等，等待屋企嘅門口會打開，然後細妹同老媽子會返嚟同我講：「我哋兩個人自私去咗旅行咋。」然後我就可以鬧佢哋自私玩，嬲佢哋一餐。可惜，屋企嘅門無打開過。
 
 
無咗屋企人，我發現一個人生活好難，仲要我未搵到工，但所有開支一下子落咗喺我身上。


 
 
水、電費⋯⋯
 
 
 
我望住屋企最後一包公仔麵都畀我食埋，煮嘅時候，我不由自主咁喊。
 
 
我真係好廢⋯⋯


 
 
我真係好廢⋯⋯
 
 
原來無咗屋企人，我乜嘢都唔係。
 
 
最後一個麵我無食到，因為我就快屈死，諗住落一落街，喺海旁行下。唔知點解，望住個海，海浪浮下浮下，就好有想跳落去嘅衝動。
 


 
孤獨感真係會殺死人。
 
 
我不知不覺之間，已經爬出咗欄杆，雙腳只要踏前多一步，就會跌落海。
 
 
死咗佢咪乜事都無囉。
 
 
我好似聽到媽咪同細妹嘅聲喺我身邊經過，然後穿落去海中。
 
 
跳啦。
 


 
正當我想鬆手時，突然喺我背後有一把聲：「唉！老子好想叫雞呀！」