《我係窮郵差，專門幫陰陽相隔嘅親人送信》（書局上架中）: 101

 
我知道阿妹一直都有好多學校嘅男仔追，所以根本就唔洗擔心佢哩樣，佢拍唔到拖嘅機會率係零。
 
 
「妳唔係同我講⋯⋯妳已經拍緊啦嘛？」
 
 
「差唔⋯⋯多啦。」
 
 


佢平時COOL到死咁嘅樣，突然變到少女含春咁，一睇就知有嘢啦。
 
 
「幾時帶返嚟畀我同媽咪過下眼。」
 
 
「你會嚇親人㗎。」
 
 
「哼，妳最好小心啲，我唔批，佢都無資格做我妹夫。」


 
 
係吵吵鬧鬧之中，我嘅不安感又漸漸無咗。
 
 
一日過去，直到第二日，我有事出咗去。
 
 
喺晏晝嘅時候，佢仲whatsapp我，想食咩蛋糕。
 


 
「你今年想食朱古力定牛奶味呀？」
 
 
阿妹問。
 
 
因為佢一向都知道我嘅朋友唔多，所以都係佢幫我慶祝生日。
 
 
「朱奶味。」
 
 
「去死啦你！」
 


 
當日，我嗰種不安感又再次浮現，大到我馬上返咗屋企。