《我係窮郵差，專門幫陰陽相隔嘅親人送信》（書局上架中）: 75

 
 
「陳太太妳受咗傷呀，一係我送妳返去先啦。」
 
 
「走開，你幫得佢送信，都唔係啲咩好人嚟，走開！」
       
 
「佢？你係話陳教授？」
 


 
「唔好再提哩個衰人嘅名。」佢怒視住我，似乎真係好嬲咁樣。
 
 
「陳太太你同陳先生究竟發生咩事，點解妳好似好憎佢，但明明陳教授又對妳好好。」
 
 
「佢對我好好？佢咁都叫對我好好？」佢歇斯底理咁叫。
 
 


「對唔住，我只係⋯⋯一個送信人，好多嘢都唔知⋯⋯。」
 
 
我花咗好大篇幅先解釋到我同陳生之間嘅關係。
 
 
「你真係唔係佢嘅人？」
 
 
「嗯⋯⋯到底妳同陳生係發生咩事？」


 
 
「佢根本就係一個賤人。」
 
 
用賤人哩個詞去形容陳教授，唔知點解覺得有啲奇怪，我話：「但我見佢好錫妳⋯⋯」
 
 
我未講完，佢已經好大反應咁講：「錫我？邊度錫我？」
 
 
我有啲畀佢嘅強勢震懾住，輕聲咁講：「⋯⋯喺妳撞車嘅時候⋯⋯妳不離不棄。」
 
 
之前陳教授講過，即使陳太好似背叛佢，佢喺陳太撞車時，仍然照顧佢。


 
 
哩樣好令人感動。
 
 
「不離不棄？你知唔知點解我會撞車呀咁？」
 
 
「⋯⋯點解？」
 
 
「就係佢，係佢搵人撞我！」