《我係窮郵差，專門幫陰陽相隔嘅親人送信》（書局上架中）: 74

 
根據督憲話有目擊人士講，佢哋最後出現嘅地方就係喺山腳。
 
 
風急緩而吹，夕陽無限，但完全無心情去欣賞。
 
 
王胤瀅究竟而家點？
 
 


如果佢醒返無事就最好。
 
 
最怕佢走唔甩⋯⋯然後⋯⋯
 
 
忽然，馬車急停，我差啲唔穩咁撞上前。
 
 
「對唔住，前面有個女人⋯⋯」司機咁樣講，我望一望前面哩個咪就係⋯⋯


 
 
我落車叫住個女人：「陳太太？」
 
 
陳太太一見到我，本來跌咗喺地下都企返喺身，仲好激動咁想走，似乎想避開我。
 
 
但佢隻腳好似因為畀車撞，擦傷咗行得唔快，所以我幾步就已經追得上佢。
 


 
「陳太太妳無事嘛？」
 
 
佢一見到我行過嚟，就係咁揮住手叫：「行開呀你！行開呀！」