《我係窮郵差，專門幫陰陽相隔嘅親人送信》（書局上架中）: 73

 
 
「咁樣決定人嘅一生好咩？」
 
 
「人人都隨心所欲，咁點得呀。」佢笑笑咁開咗一枝紅酒，搖晃一下，用鼻一吸後話：「咁會世界大亂。總喺需要有人坐在高位決策，總有人浪於街頭掃垃圾㗎，你話係咪？」
 
 
「聽落⋯⋯唔太動聽。」我坦言。
 


 
「你唔明唔緊要，但哩個係決策者經常要考慮嘅事⋯⋯⋯⋯秩序。」佢細細口咁飲紅酒，個樣好享受咁品嘗。
 
 
「我又唔係高層，我真係唔識哩啲。」
 
 
「有趣有趣。」
 
 


「言下之意，你唔諗住幫我去搵返我朋友？」
 
 
「非也，我都好有興趣。」
 
 
「喔？」
 
 
唔知係咪我嘅錯覺，佢望我嘅眼神，就好似望緊一舊玩具甚至係螞蟻咁。


 
 
「我好有興趣⋯⋯喺你身上有幾多個可能？」
 
 
五分鐘之後，我已經坐上馬車，急馳去搵王胤瀅嘅下落。