《我係窮郵差，專門幫陰陽相隔嘅親人送信》（書局上架中）: 40

 
 
「我見到你個袋入面全部好多藥水膠布，你係做急救㗎？」喺同個男人一齊上咗車之後，我問佢。
 
 
佢當下本能反應係將個袋收喺身後，有啲驚訝咁揮揮手話：「喔⋯⋯唔係呀，哩啲只係基本嘅急救知識啫。我係大學教書嘅。」
 
 
「其他人考完證書都唔係好識急救，但你好熟手啵。」
 


 
「可能因為之前我老婆成日都受傷，我幫佢多咪慣晒手勢。」佢微微笑咁講，佢畀人好書生斯文嘅感覺。
 
 
「真係一個好老公呀。」我話。
 
 
估唔到今日撞到一個好人。
 
 


佢嘆息一句：「唉⋯⋯可惜我太太死得太突然，有啲說話想同佢講，都嚟唔切。」
 
 
哩個⋯⋯係生意嘅機會。
 
 
「你⋯⋯有嘢想同你太太講？」
 
 
佢眼濕濕咁話：「不過已經無咁嘅可能。」


 
 
「其實，我可能可以幫到你。」