《我係窮郵差，專門幫陰陽相隔嘅親人送信》（書局上架中）: 39

 
「好簡單，我幫妳包扎，介唔介意？」黑衣男人由佢嘅黑色袋中，拎出一個盒，入面有無數膠布。
 
 
 
我唔覺意瞄到，佢嘅袋入面全部都係哩藥水繃帶同膠帶，好似一個小型嘅急救包咁。
 
 
個眼鏡學生妹搖搖頭表示唔介意。
 


 
個大衣男人好小心咁觀察佢嘅傷口，之後用藥水幫佢消毒，最後噴上膠布。
 
 
「放心⋯⋯」佢抬起佢隻腳，細心再一次檢查，對佢微笑咁話：「應該無事㗎啦。」
 
 
「唔該⋯⋯唔該你⋯⋯」個女學生再三咁道謝，仲堅持抄低咗佢嘅電話，話要好好道謝，然後先搭上列車離開。