《我係窮郵差，專門幫陰陽相隔嘅親人送信》（書局上架中）: 32

 
「咁即係咩意思？」佢問。
 
 
「我再繼續喺另一個世界搵，搵咗大概兩日，都係搵唔到妳媽媽嘅名。」
 
 
佢本來拎住凍檸茶嘅手開始震抖。
 
 


「即係⋯⋯點？」
 
 
「你想同我講咩？」
 
 
「其實妳會唔會好想見返妳媽媽。」
 
 
「點解會咁講。」


 
 
「無呀。我問下啫。」
 
 
「你不如講返，你啱啱咁問我係咩意思？」
 
 
ZZZZZ⋯⋯
 


 
「喂南門亮！你唔好哩個時候扮渴睡症發作啵！」
 
 
見呃佢唔到，我唯有坐返正個人。
 
 
「如果喺陰間嘅住宅地址中，都見唔到個人嘅名，而搵都搵唔到，就證明嗰個人係唔存在喺陰間。」