《我係窮郵差，專門幫陰陽相隔嘅親人送信》（書局上架中）: 33

 
王胤瀅全神貫注咁望住我，聽我講嘅一字一句。
 
 
「咁就有一個可能。佢喺人間嘅孽已經還清，去咗另一個新地方。」
 
 
佢皺眉咁點點頭，好似似明非明咁。
 
 


「只不過去另一個新地方，都有跡可尋。我喺陰間嘅出境記錄，都搵唔到妳媽媽嘅名。」
 
 
「所以我相信⋯⋯應該係話好肯定，妳媽媽根本未死。」
 
 
話聲未畢，杯落地之聲已起。