《我係窮郵差，專門幫陰陽相隔嘅親人送信》（書局上架中）: 31

我同王胤瀅再一次相約出嚟，又係喺灣仔嘅咖啡館。
 
 
我一坐底，王胤瀅就好興奮咁同我講：「多謝你，我終於都無畀人騷擾啦。」
 
 
「無畀人騷擾嘅意思係？」
 
 
「哩幾日呀，你搞掂之後，我就乜事都無，無再被人跟蹤，無再有怪事發生。」


 
 
我飲咖啡飲到差啲哽親，有啲唔係幾好意思咁同佢講：「其實⋯⋯哩幾日我都好想聯絡妳。」
 
 
「喔？」佢飲一啖凍檸茶，笑容仍然掛喺臉上。
 
 
「因為，有啲更奇怪嘅事發生。」
 


 
「係乜野？」佢好奇咁問。
 
 
「哩幾日，我都想將妳封信送畀王太太，同埋睇下佢點解會上到人間。」
 
 
佢點點頭，表示聽緊。
 
 


「但只不過，我去到陰間，喺陰間嘅住宅地址名單中，見唔到妳媽媽嘅名。」
 
 
佢本來掛住嘅笑容，開始漸漸退色。