《我係窮郵差，專門幫陰陽相隔嘅親人送信》（書局上架中）: 19

 
佢返到嚟之後，無以前咁忙，成日都唔喺屋企，反而多咗時間陪我哋。
 
 
嗰段時間，應該係我最快樂嘅日子，三個人開開心心咁一齊生活，一齊去買餸。
 
 
不過哩段時間，唔洗太長，就已經唔同咗。
 
 


「爸爸，媽咪呢？」
 
 
「媽媽話⋯⋯唔想再捱窮⋯⋯佢走咗啦⋯⋯」爸爸咁講。
 
 
我哋，又變返咗兩個人買餸嘅生活。
 
 
無幾耐，我聽到媽咪死咗嘅消息，聽爸爸講係因為媽媽招惹好多男人，最後得到愛滋而死。


 
 
爸爸好辛苦咁走出陰影，到最後佢娶咗新媽媽返嚟。
 
 
「胤瀅呀，如果我娶一個新嘅媽媽，你話好唔好呀？」
 
 
「爸爸鍾意，胤瀅都會⋯⋯鍾意。」
 


 
新媽媽對我都友善，而我哋一家人都生活得好開心。
 
 
不過改變，就由一個喊聲開始。
 
 
眼前嘅佢好嘈。
 
 
「哩個係邊個嚟⋯⋯？」
 
 
「係妳嘅細佬呀。」
 


 
新媽媽生咗細佬出嚟。
 
 
「哩個粥係煲畀細佬㗎。」
 
 
「哩個玩具係買畀細佬㗎。」
 
 
屋企嘅嘢，唔知由幾時開始分為『我同細佬嘅』同埋『細佬嘅』，有一條線清𥇦咁分開。
 
 
「你做家姐，要讓下細佬呀，妳有嘅嘢都好多，唔好拎咗細佬嘅嘢。」
 


 
「知道⋯⋯」