《我係窮郵差，專門幫陰陽相隔嘅親人送信》（書局上架中）: 20

「知道⋯⋯」
 
 
所以，去補習班嘅機會都係細佬。
 
 
就嚟近排去外國讀書嘅機會都係細佬。
 
 
亦正正喺近日，我發覺自己身邊成日都發生好多好奇怪嘅事。


 
 
例如，返學嘅時候總係有種畀人跟蹤嘅感覺；搭巴士訓覺時，又會有一把聲音係你耳邊講野，好真實；行行下路，又會發現個袋無啦啦多咗一包我無買過嘅野。
 
 
「你又肯定係你媽媽搞鬼？」
 
 
「因為我個袋多咗嘅係，係我媽咪生前最鍾意食嘅朱古力餅同紫菜。」
 


 
「求下你，幫下我，同佢講唔好再搞我。以前佢拋棄我哋嘅事就算啦，以後佢還佢，我還我，可唔可以唔好再煩住我。」
 
 
「照計，佢喺佢個世界，應該唔會搞到你。」我話。
 
 
因為未曾聽過哩啲事。
 
 


「但我肯定係佢，一定係佢！」佢好堅定咁講。