拼命也要尋回他: 第三章

“我地可以幫你搵返你男朋友 , 不過當中有一定既危險 , 有可能...我話有可能姐...有可能會無命”
*******************************************************
“無命?你究竟講緊啲咩”我一頭霧水咁望住坐係櫃檯既琼姐
“詳細既野我唔可以話你知 , 不竟呢啲都係機密 , 我唯一可以話你知既係 , 你男朋友比人捉左 , 要救返佢得一個方法 , 就係接受我地既任務 , 不過當中可能會無命 , 原本你可以選擇唔參與呢個考驗 , 咁你就唔會有事 , 可以係你既世界繼續生活...但係你已經入左黎 , 所以你無得選擇 , 只可以接受並且完成任務先可以返去你地既世界...”琼姐望住我好認真咁講
“點解...點解要係我地”我掉底對高踭鞋 , 踎底係到喊
“唔好喊啦 , 我會陪住你架小若”啊蹈突然攬住踎係地到喊既我
“咳...咳...啊蹈 , 佢唔係小若”琼姐既呢句 , 提醒左啊蹈 , 原本攬住我既雙臂 ,已經鬆開
“梓曰 , 唔洗驚架...啊蹈會陪住你 , 佢會協助你去完全呢啲任務”琼姐走左過黎扶起我
“你呢身裝束做起任務上黎好唔方便 , 換左佢 , 你可以係入面換”琼姐係個櫃到拎左套衫同鞋比我換
“唔該...”我接過琼姐套衫 , 行左入間房到換衫




*******************************************************
“啊蹈...你盡左力架啦 , 命中注定既野 , 你改變唔到架”琼姐安慰我
“我只係希望佢地唔會好似我同小若咁...我唔想佢地經歷我地經歷過既野 , 但係點解...點解我都係阻止唔到”我望住梓曰行入去既個間房
“或者呢啲就係命運 , 命運安排你做佢既指引員 , 安排你再次遇到佢 , 或者係個天想彌補你 , 比你再見返佢...雖然唔係小若..不竟小若已經...”
“我換好啦...”梓曰打斷左琼姐既說話
好似 ! 真係好似 ! 如果你見到 , 一定會嚇親
*******************************************************
“好岩身 , 舊個套衫同對高踭鞋就交比我保管”琼姐伸手拎走我手上套衫同鞋 “啊蹈 , 帶佢入去抽任務啦 , 梓曰祝你好運”
我跟住啊蹈入左洗衣鋪既另一間房 , 間房無論係牆身 、 天花定係地磚都係白色 , 咩傢私都無 , 淨係房中間有台好似六合彩既機器。
“將隻手放係中間既半圓玻璃球上面”啊蹈指住機上面既半圓玻璃球




我聽佢講將手放係上面 ,半圓既玻璃球開始發光 , 台機器開始郁 , 好似六合彩搞珠咁轉動
“咚~”有個玻璃球係部機到掉左落黎
“咩黎?上面乜都無既...”我拎起掉落黎既玻璃球睇
“唔好咁心急...等下啦”
“有字啊 ! 啲字浮緊上黎” 我好激動咁將個玻璃球遞比啊蹈
“我地出去搵琼姐拎物資”佢行左出門口 , 接都無接過我遞過去既玻璃球
*******************************************************
“抽完啦 ? 結果係點 ? 抽到咩任務 ?”琼姐見到我地行出黎 , 一輪嘴咁問
“抽到呢個...”我遞個玻璃球比琼姐