拼命也要尋回他: 第四章

“抽完啦 ? 結果係點 ? 抽到咩任務 ?”琼姐見到我地行出黎 , 一輪嘴咁問
“抽到呢個...”我遞個玻璃球比琼姐
*******************************************************
‘人心草’玻璃球上面顯示呢三個字
“唔...要搵呢樣”琼姐個樣好似好苦惱
“咩黎嫁...好難搵?”我望住啊蹈同琼姐兩個
“唔係既...只係...”琼姐欲言又止咁望住個玻璃球
“姐係點?”我嘗試試探下琼姐口風
“呃...詳細既唔可以話你知...你知啦機密呢家野...啊蹈 , 同梓曰講解下個任務點做 , 同埋個玻璃球點用 , 我去幫你地執一執陣間要用既物資先”琼姐轉身行入鋪頭入面
“拎住”啊蹈拎起個玻璃球遞比我 , 我伸手去接住玻璃球




“咦…又有其他字浮左出黎”我岩岩接住個玻璃球 , 個玻璃球就出現變化
‘24’ 個玻璃球上面出現左呢個數字
“呢個數字點解”我遞去啊蹈面前比佢睇
“時限” “咩時限?超時會點?”我望住啊蹈
“死....被捉走既人會死”
“ ‘24’係咪指24小時?咁...咁咪姐係得一日時間”我完全比呢個消息嚇親 , 得一日時間 , 點搵人心草?
“你地傾緊啲咩?”琼姐拎住袋野走返黎櫃檯
“琼姐 , 得一日時間 , 真係搵到咩 ? ”我好灰心咁問琼姐
“放心 , 無問題架 , 好啦要進行任務啦 , 一切小心”琼姐將個袋交比我
*******************************************************




“走 , 我地要去4樓 ”啊蹈同我行左去扶手電梯個到
“哇 , 咁多人既 , 佢地同我都係一樣 ? ”上到四樓之後我見到有好多人
啊蹈佢同滔滔外表真係好似 , 但係性格完全唔一樣 , 佢係十問九唔應 “喂 … 答下我啦”我望住啊蹈既背影叫
“唔好咁大聲 , 會引佢地黎 , 到啦 ”啊蹈擰轉頭望一望我
佢停左係一間鋪頭到 , 鋪頭入面好黑 , 得一張枱同一枝點著左既蠟燭
“咩事...”突然有把女聲出現 , 枱後面開始有啲白色煙凝聚 , ‘人’啲煙凝聚左個人...
*******************************************************
“佢係人定係鬼啊”我好驚 , 我匿係啊蹈後面細細聲咁問
“你就鬼 ,啲後生真係無禮貌...”白煙凝聚左一個年紀大約六 、 七十歲既老女人
“我地黎搵‘人心草’”啊蹈同個老女人講




“‘人心草’ ? 好珍貴既藥材黎 , 你拎咩黎換先”老女人望一望琼姐比我地個袋
我摷下個袋發現得一包泥 , 同一把刀仔 , 唔係掛 , 得呢啲野 , 點好意思拎黎同人換啊...
“我地...得包泥 , 同把刀仔”我打開個袋比佢睇
“泥?”佢一聽到有泥 , 對眼好似識發光咁望住我地
“係啊...”我係個袋到拎包泥出黎
“就係佢啦…就係佢啦”個老女人想伸手拎包泥
“你想要包泥 ? 得 , 拎‘人心草’黎同我換”形勢完全逆轉 , 上一秒都仲係我求緊佢 , 但係睇佢依家既反應 , 佢更加渴望得到包泥
“莫講話一棵‘人心草’ , 十棵都比你”老女人既態度 180° 轉變 , 所以話呢 , 女人果然係善變
“好 , 成交”
*******************************************************
“估唔到咁易就完成到任務 , 一包泥就可以換到‘人心草’”我拎住岩岩換既‘人心草’好開心咁係到行
“個包唔係普通既泥 , 如果無琼姐幫你 , 呢個任務你都幾難完成 , 個包唔係普通既泥 , 係魔泥 , 比起‘人心草’更加珍貴 , 因為只要有魔泥 , 就可以種出世間上更多稀有既草藥 , 琼姐係專登比包魔泥你拎黎交換‘人心草’ , 唔係既話 , 你可能要拎其他你寶貴既野黎交換”啊蹈望住我講
“寶貴既野 ? ”我停低腳步
“例如一段回憶 , 一段對你黎講好重要既回憶 ”啊蹈好凝重咁講
“唔通除左搵老女人 , 就無其他方法得到‘人心草’咩?”我握實棵‘人心草’




“野生既‘人心草’係寄生係活人既心臟 , 如果你要得到既話 , 就必須要殺左宿主 , 你落到手咩 ? ”
聽完啊蹈呢句 , 我真係好感激琼姐幫左我咁多
*******************************************************
“俾我...俾你手上既野我...”突然有個拎住把刀著住黑衣既女人出現係我地面前
“俾我啊...”佢拎住刀衝上前