[新手上路] 真係做得出刀劍神域入面果種VR?: 13. 目標只得一個

依家我知道自己只有一個目標 -- 就係幫Steve打爆機!

但呢一星期, 大家幫我上既堂, 資訊量太多...有啲搞唔掂......

「拿! 我講多次比你知隻game大概個背景先, 故事係由大自然混合魔法組成既, 無特定職業, 技能隨便學習, 但威力同熟練度需要自己努力, 代表新手一定無可能一步登天! 另外, 無職業限制, 無等級限制, 只有技能會有分別, 自由度好大...當然要分高下既, 除左技能同戰術之外, 裝備都唔少得啦, 所以你除左練習, 就係打裝備, 裝備強弱都會有分別架...........」Bobo一直講, 講唔停

「等等...咁如果係入面打怪死左呢? 點算?」

「最好唔好死」火火簡單講左一句, 就已經令我驚驚地





「介唔介意比我知道個原因?」

「我覺得你有必要知, 呢個VRT係實測階段你知嫁啦?」火火再問

「我知」

「我諗Steve未同你講, 佢一直都未fix到死亡訊息果個bug...但我前排聽完佢講隻game唔係佢寫, 我就覺得呢個bug係刻意比人做出黎, 當係一種防守又好保護又好, 等拎到啲隻game既人唔會咁輕易得到自己公司既資料, 咁推斷的話又幾合情理」火火繼續講

「即係game入面死左, 出面都會死...?」我真係好撚驚..真係好撚驚, 打機姐? 洗唔洗死呀?





「唔知...我地未有人試過係入面死, 亦都無人敢試」Zero隨隨開口

「只要杰仔係度, 我地都好大機率唔洗死」火火補充

杰仔呢個人...我覺得佢愈黎愈神秘

「咁我依家係咪應該入去練習下先呢?」

「正常黎講就應該同我地一齊入去既, 過多兩日我地可以入去, 呢兩日你讀多啲背景資料啦, 對你入去有幫助」火火善意既提醒我





其實火火表面幾cool, 心入面都係關心你既

好! 咁就等我呢兩日讀熟啲資料啦!!