[新手上路] 真係做得出刀劍神域入面果種VR?: 14. Alice既回憶

經過兩日日以繼夜, 夜以繼日既努力...大概都掌握到呢個遊戲係點樣生存同進步

無限制係一個賣點, 實力都係靠自己, 技能掌握都係練習問題

只要肯花時間去練, 就一定可以變強

剩係諗到呢幾點已經忍唔住想快啲入去玩下...  hahahahahhahahahhahaaa

「喂! 劍仔...做咩係度傻笑呀? 有咩咁好笑講黎聽下先!」Alice拍一拍我膊頭, 笑得好甜...





其實同Alice本身都唔熟, 但呢個星期我問好多關於game入面既野, 佢都好肯教好肯講, 所以佢算係五人小隊入面第一個最快熟既人...而且仲要係靚女~呵呵

「嘩!!!」我嚇一嚇 「無呀無呀...諗起今日要入去, 心情有少少興奮姐」

「hehe, 咁又係~ 不過當初我驚多過開心囉~」Alice收返起個笑容

「下? 點解呀? 你唔覺得好新奇咩? 進入一個新既地方, 新既世界. 剩係靠一台機械就可以令你精神上係另一個地方同步, 記憶亦都同步, 對自己又多一份體會同感受...(下刪一千字)」

講起我就好興奮, 一路講, 講晒自己啲感受出黎





「hehe, 你真係好傻仔好搞笑」Alice苦笑, 微微dup低頭

都唔知佢讚緊我定話緊我

「唉~ 當初我黎果時, 邊有依家咁完善, 所有野都係為左隻game而研發出黎」Alice向上望, 慢慢諗返起以前既事, 咁我只好唔插咀, 慢慢聽佢講啦

「其實我算係比較後期先加入, 諗起都係兩年前同你差唔多呢個時候入黎. 果時Steve既小隊已經有四個人, 而我就係最後第五個! Steve係隊長, 火火係副手, Bobo遠距離攻擊, Zero係情報收集. 其實我都想學習法術嫁...但條team又好似差個輔助咁, 所以我都無奈要去刻意修煉呢方面既技能, 點知!!! 出奇地有效率同進步, 依家同你講可能唔會明, 但你入到去就會知, 所有技能法術都係可以靠大自然增強力量~就係咁!」

雖然聽完同無聽對我黎講好似無咩幫助, 但最少知道小隊歷史對我加深隊員識認有幫助既...不過我比較關心既係......





「咁杰仔係...?」

「杰仔? 哈哈, 佢早你一年左右加入我地! 佢都係Steve親自搵返黎既人, 同你一樣」

「係咩......咁你地唔係Steve親自搵返黎?」

「唔係嫁~都唔算係既, 我地幾個都係讀緊u果時, 參加Apple internship, 之後比Koey, Andy佢地睇中, 再問我地有無興趣做啲改變世界既事, 哈哈~諗起都好笑, 點解當初會應承佢」Alice回復返一開始既笑容

「不過呢, 杰仔黎到之後, Steve就退出小隊, 由杰仔入去幫手, 火火做左隊長, Steve就開始專心改良VRT同埋專心寫關於遊戲世界既攻略同背景, 就好似你睇緊果啲野咁, 所以世界觀, 技巧, 資料, 都係由Steve一手一腳寫出黎嫁」睇得出Alice真係好尊敬Steve

「好啦唔講咁多住, 其實我黎搵你係Koey話VRT差唔多準備好, 叫我帶你過去喎~」Alice企起身拉一拉我叫我一齊行

「嗯! 我準備好啦!」