Rubbishptgf 賤男週記: 後悔
每一日返到屋企，我都好驚會見到有郵件寄比我。我好怕佢會將我比佢既野比返晒我。直頭7月中既某一日，我返到屋企收到一大個郵箱。入面係我送過比佢既卡，書，同埋一本佢寫既日記。我一直都知呢本日記係佢一路以黎寫比我想係一周年既時侯送比我，我一路都好期待好想睇。但係今日，我好驚打開佢，因為我好清楚睇完呢本日記之後，我會更加唔捨得佢，更加後悔。
望住我寫過比佢既卡，生日卡，送外賣比佢既心意卡，情人節卡。我忍唔住喊左出黎。到底我呢一年所付出既心血，係咪真係一d都唔值得佢留戀，係咪值得咁樣比佢放棄。曾經相愛過既證據，點解可以話唔要就唔要？係咪將呢d野掉晒佢，就代表咩都冇發生過？
「曾經 發生過感情
發生過不能推翻的許多事情
叫天不應 留著記憶裡風景
為我去指証 發生過感情
發生過不能假裝的一些反應
無法經營 原來你在不確定時候 已盡興」
https://www.youtube.com/watch?v=mTkLKVxo_pw
或者唯一一樣令我感到安慰既係，我送比佢既熊仔冇係個箱入面，又或者佢只係唔記得左放入去。隻熊仔係我地既定情信物，我真係好唔想佢連呢樣野都比返我。
我：「您會攬住隻熊仔訓架何:-] ？」
芷純：「會呀，您比隻熊仔我，就係您唔係我身邊果陣我攬住佢就好似攬住您咁:D 。 」
諗返起以前既對話，發覺人同人之間既感情，真係好脆弱。
我終於都忍唔住打開左本日記黎睇。。。
bb黎到我屋企見到呢本比我既doraemon簿無用過就叫我寫下野。於是我靈感一發，打算拎黎寫日記，個日係你既生日。所以由呢一日開始，記低我地之間難忘既回憶，第時等我地老左行唔到既時候都可以回憶下後生時既我地做過d咩同去過邊度。
我唔係一個三分鐘熱度既人，所以我相信我會繼續keep住寫落去，等到我地一週年既時候送比你，希望到時你會鍾意呢份小禮物#love# 。
18 March 2017 雨天 星期六
呢一日既來臨我十分期待，亦都緊張左好耐。我預先做左好多research，揀左好耐最後揀左Aqua同訂左個普通既蛋糕，係你鍾意食既朱古力味:P 原先我係諗住唔係就咁dinner 加食蛋糕架:~( 不過我plan得太rush 就無左其他野:-( 我最後連禮物都無買:-( sorry！！！最後只係簡簡單單陪你過咋:-( 無我生日個陣你plan得咁完美。。。。
呢一日我地好早起左身，因為我一直擔心蛋糕同餐廳既問題，我不斷咁check email ＞＜到左晏晝你陪我返屋企換衫，畢竟Auqa 係高級餐廳，當然要著得formal d haha。可惜我搞左幾個鐘都未換好，bb等得太耐唔耐煩，有d小脾氣＞＜到最後我氹返你。你陪我去灣仔囍帖街，拎左蛋糕就去左Aqua。今日全日毛毛雨，好驚天氣唔好睇唔到維港既夜景。今晚所有既野都好好食，我地一致認同個個牛肉最好食，fatty tuna 都好好味:P 到最後我request左係dessert上面寫d message，我地仲打賭佢一定唔記得寫，最後我地輸左！佢甜品仲同蛋糕一齊上，呢一刻，係我腦海中深深記住左，希望你生日願望裹有我，我愛您。第一個同你過既生日#love# #love# #love# #love# 。May all your birthday wishes come ture！
28 March 2017 晴天 星期二
今日係我第一日考試，今日我放12:00。放學我一如既往即刻返屋企。終於可以休息一陣，訓醒就繼續溫書，當我訓醒既時候竟然聽到雀仔聲，一邊聽住雀仔既叫聲一邊訓覺，呢種感覺令我將岩岩既疲累都拋諸腦後。希望餘下幾日既考試快d過。因為呢幾日都無得見bb，要閉門溫書，好掛住bb:~(
30 March 2017 雨天 星期二
今日係考試既第三日，今日考左中文同地理，走出校門既第一時間還是拿起電話message你。回到家，成個人好攰，即刻補眠左幾個鐘。終於等到你收工，前幾日因為考試無搵我，今日終於抽個時間見面，你一如既往渣車黎接我。由我識你到而家都無變過，就算幾忙你都會過黎搵我:) 我好鍾意呢份既堅持，每次食完飯都會送我返到門口先走，真的很佩服！未有過男仔為我風雨不改咁接我，送我#love# 。
你是世界上最錫我既男人，而且又gentle，果然選擇跟你在一起是沒錯的。
我愛你，gentle的bb^3^
31 March 2017 雨天 星期五
星期五總是整個星期裡最期待的，因為weekend可以連續見三日:P 你同我一齊去買牛扒同零食。今個星期你竟然買左兩件A5 和牛同一塊肉眼扒。以往你話一塊牛扒會唔夠食，但A5和牛可能因為係高級野，所以我食左半塊已經好飽。一下子就食左＄1300的兩塊和牛，剩低果塊肉眼扒已經要放返入雪櫃。我真係覺得好神奇，點解A5和牛食咁少已經咁飽，可能佢比較多油同脂肪吧！每次見到你煮野食個樣係最正經，而且你每次同我一齊都食貴野，自己平時明明就好慳:-( 點解會咁架？我成日都覺得自己好衰，你成日帶我食貴野，自己就相反，我真係好心痛你:-( 成日晒錢食咁貴既野，自己又唔好好對自己。。。傻瓜:-(
2 April 2017 晴天 星期六
今日我地早早就起左身，見到好天就諗住去昂坪360坐纜車，去到食pizza hut，點知意外地令我地失望，蒜蓉包無蒜蓉，d野又慢，又唔好食，你話會ban左pizza hut 唔會再食haha。
食完去坐纜車，點知。。。維修:~( 你一路好自責話唔記得左佢維修緊，話新聞都有講，傻b 唔好咁自責啦！今日坐唔成咪下次囉:) 跟住你就帶左我去南生圍，我係第一次去，聽講有個位好靚，個個去到都會影相。開頭我地覺得太多人排隊就無打算影，最尾走個陣我拉左你去排隊，排左10分鐘左右，準備到我地啦＞＜你話好緊張因為果度太多人望住，估計都有30人以上！但最尾你都陪我影，你實在太好啦^3^ 影完我見到你出晒汗就知你有幾緊張haha。我仲笑你算係overcome左你咁多唔識既人面前影相。
跟住我地去左元朗新起既yoho mall行，食左個雪糕，我地諗左好耐食唔食b仔，最尾無食到，我地去左食三河屋:) 因為上次經過鑽石戲院眼利既我見到部磅重機，上次係90kg，今次係92.5kg，你今次無咩感覺，因為你知道部機係壞既。跟住你送左我返屋企仲應承我等纜車維修完一定會帶我再去。雖然今日我地都好攰，但真係好開心^3^
3 April 2017 晴天 星期一
bb^3^ 每一個月既3號我都提坐你，一個月la，兩個月la，三個月la。。。每個月我都會記得，而你就好少會講，每當我講一個月快樂，兩個月快樂個陣你都會話「咁又點，幾個月咋麻，幾個月都好講既:-( 」但我知道你唔會講但你都會記得3號係屬於我地既日子。
今日係四月三日，你返左成日工忙左成日，我今日終於都考完試啦:D 你話今日黎搵我食dinner，我就諗，今日先星期一，通常你都係星期二或者星期三先會搵我，加上你今日返工好忙，我就好奇點解你會揀今日黎搵我食dinner，你竟然話「今日3號麻 #love# #love# #love# 」oh my god。。。你一向都唔伯講呢d咁sweet既野！！！我真係覺得好sweet丫#love# #love# 冧死我la bb#love#
你又帶左我食你係外國果陣成日食既kebab，你教我讀左好多次我都未學識「kebab」點讀:-( 我問左你起碼十次，你開始唔耐煩，不過你之前應承過我唔會再鬧我，你都有做到。你帶我去中環食kebab，order左個lamb donar 超好味#love# #love# #love# 唔鍾意食羊既我，我都覺得d美一d都唔so，好好味！跟住你仲帶我行左轉LKF，呢次係我18年黎第一次黎，聽就聽得多。見到好多人好嘈，果然唔係我鍾意既地方，不過都算係經過LKF，我覺得我以後都唔會黎呢d地方，除非以後做野必要時候先會黎，如果唔係一定唔會黎的:) btw 多謝你成日帶我周圍去食好味既野，一向我對turkey，india呢d國家既野食都無咩好感，今次真係令我改觀，總之好好味，下次要再帶我去食ar^3^
最後你死都唔肯講既7個月快樂:D 要繼續咁錫我^3^ 我愛你bb^3^
4 April 2017 晴天 星期二
今日係清明節，你一早就起左身同你屋企人去左拜山。我訓到12點先起身，因為你msg我，我聽到有message，一定係你搵我，我嘗試繼續訓但訓唔到，可能太掛住你:-( 但我今日唔洗去拜山，我就留係屋企等你拜完山黎搵我^3^ 我幾乎無離開過張床，一直等你拜完山。等到7點幾你就黎搵我去食野。我揀左食大阪燒，呢間大阪燒最好食唔係大阪燒，而係海鮮炒面。不過因為你order左太多野，最後黎既海鮮面我食左幾啖就覺得好飽＞＜唔中意食海鮮既我你都幫我食。其實我覺得幫對方食d對方唔鍾意食既野係一個好sweet又好愛對方先會做既野^3^
食飽你就送左我返屋企:D 不過聽日係星期三，要返三日學先可以再見到你:-( 不過有樣野期待返學都會有動力d，好快可以又見la，我仲講笑話呢個星期我地連續見左5日#love# 好想日日都痴住你丫＞＜好想快d到星期五:-(
返到屋企你facetime我＞＜第一次收到你既facetime call:D 好緊張，不過好sweet，傻瓜^3^ 真係想每日都收到你既電話，咁樣我會覺得好安心，好有安全感＞＜我覺得你係呢個世界上最錫我既人，bb我愛你！
7 April 2017 晴天 星期五
今日係星期五lalalalalala。。。聽日就係假期啦#love# 考完試好攰終於可以抖下啦:~( 聽日開始我既十二日假期la#love# #love# #love# #love# 太好啦！辛苦完再放假既感覺太正！
今日又可以連續見到bb三日:D 因為你前份工經常唔返工黎接我放學，所以我決定係我十二日既假期入面我都黎接你收工:D 我未接過人收工架hahah 第一次＞＜
不過你就話黎接一兩日就ok，但我想日日黎接你收工haha，唔知d人會唔會認得我呢？同埋聽日空姐course就要考試啦:-( 我仲未開始溫書，當你見到我寫到黎呢度既時候我已經放左學la，而家已經係6：08PM，你已經收左工去緊搭車，我準備去洗頭la，再過一個半鐘左右你就會黎到我樓下接我架啦:D 我去洗頭，pack野先啦:D 開始我既happy holiday^3^
10 April 2017 陰天 星期一
今日係假期既第三日，話咁快假期已經過左三日la:-( 剩低9日ja ＞＜假期眨下眼就過去，但返學既日子就特別難過。話說之前講過接你收工:D 今日我成日12：30pm先起身，起左身msg左你之後又訓返，起身已經係4：00pm，我即刻起身洗頭，換衫，好驚第一日應承左黎接你收工又遲到＞＜我5：00pm就出門口，因為我唔識路去IFC:-( 於是我上網search左係中環a出口上天橋就到，最後好彩趕得切係6：00pm到左你公司樓下等你:D
係見到你之前有d緊張＞＜雖然一齊左但見到你時都會好緊張，我終於見到你la，我仲笑你著左返工衫好似同平時唔同左，你就話因為著左返工衫輕鬆唔到haha，跟著同你返屋企換衫，坐你平時坐既車，行你平時行既喎^3^ 。之後我地去左食野，你就送左我返屋企。你今日一定好攰，因為返左成日工仲同我出街又送我返屋企＞＜今晚你一定好早訓，周埋唔洗擔心我，我會乖架啦，都唔會周圍走的，放心^3^
11 April 2017 晴天 星期二
今日係假期既第四日，之前幾日放假我好似除左接你收工就無做任何野，訓覺，食野，搵你，msg你，就無其他野，＃廢青 ＃宅女 完全適合形容放假既我，你琴日同我講收到nterview既電話，我知你今日係elements附近interview，平時同你一齊去element就多，但我今日去接你我係完全唔識路，我又上網search左路線點去，平時我都係搭mtr多，講起搭巴士我可能一年先一兩次咁，所以我download左個巴士app先search左點去element ＞＜
我係樓下搭巴士去到奧運站再轉mtr。當我最後去到element 果陣你已經企左係到度等我＞＜而唔係我等你:~( 好失敗。。。不過你都無介意，之後我地食左正斗你就送左我返屋企，今日雖然比你早過我少少，不過都算完成左第二次接你既mission:D 。
3 June 2017 晴天 星期六
今日係星期六，又係我要返空姐既朝早。上完之後你黎左接我^3^ 我地去左太古城食北海丼，你叫左魚籽丼飯，果個日本人又過黎大叫oisha haha so cute！！！之後我地諗住去sogo 買神戶牛批，排排下隊既時候我見到你wecaht有個陌生既icon，我原本以為係女仔黎，跟住我唔開心發脾氣，最後我都有原諒左你，最後我先知原來係你朋友個icon黎，雖然你最後都無比我睇，但我都相信你唔會同其他女仔傾計既＞＜
跟住我地返左屋企睇電影，睇左套有個人因飛機失事流落荒島，幾好睇！！凌晨果陣我就想食pizza，你就渣車去左灣仔，我地就食左個好好味既pizza，好似係牛肉芝士pizza:P 跟住就返左屋企。。。oh no！！！我地兩個都唔記得左今日係3號，今日我地一齊左九個月啦#love# 話咁快就九個月，聽日就十個月既開始，希望我地可以一齊好耐好耐。好期待我地七月既東京之旅#love# 我地既第二個旅行！倒數6 weeks^3^ ^3^ ^3^
4 June 2017 晴天 星期日
話咁快已經星期日啦。聽日又要返學:~( 我地琴晚成3，4點先訓，今日成3點幾先起身，一如既往，你比我早起身，3點你先叫醒我。我地原來諗住去食神戶牛批，但3點幾應該已經賣晒架啦＞＜跟住我地諗食咩諗左好耐。。。
你話去食築地山貴，我覺得地岩起身超肚餓既狀態應該可以食得落成隻牛haha，加上你知架啦，築地真係好好味但佢真係好貴＞＜之前岩岩係香港開張個陣我地去食過一次，我地兩個人食左唔係好多舊都要＄800幾＞＜但係佢d海膽壽司超好味:P
最後我地去左食kebab，之前你帶我食過一次我就鍾意食^3^ 唔知點解今日中環特別多白鴿！！！我最驚就係白鴿！！！又核突又大隻！我嘗試行左幾次我都唔敢行上去果條斜坡＞＜因為真係好多好多。。。我叫你繞路行天橋去食kebab，點知！！點知！！去食kebab 果條巷仔都有白鴿！！食食下有隻肥白鴿走左入黎，嚇到我攬住你咪埋眼唔敢望，連kebab店入面個兩個人都笑我！哼！你地係唔會明白鴿有幾黑人憎！嚇到我喊＞＜跟住拿拿林食完快d走。
之後我地去左食中環既homemade雪糕，好似又無咩特別咁，可能比白鴿嚇完唔開心唔想食掛:-( 我地諗住行陣街先返屋企，去左世貿，sogo，citysuper，係citysuper 食左oyster。。。你仲話食完會勁d haha。平時都夠勁啦唔係咩＞＜仲整到我好痛tim 琴晚＞＜
行完citysuper你就送左我返屋企。返到屋企無耐，電視做緊＜＜流行經典50年＞＞姐係d老野係度唱歌，無意中我聽到個主持話：「唔知你地有無試過約會未完便掛念既感覺呢？」我第一時間就諗起上年8月中你約我第2次之後就開始有掛住你既感覺，話咁快就一年啦#love# 。經歷左差唔多一年，暫時對我地最大既考驗係上個月，我地都overcome左，無咩野係阻止到我地一齊^3^ 。
經歷左黑暗既五月，令我地更愛對方，更懂得珍惜對方，今日係我地一齊第10個月既開始，第10個啦，時間過得好快，慶幸由認識你到而家我地都無離開過對方，有時真係想簡簡單單一世就好^3^
Anyway，I Love you as always bb^3^
6 Jun 2017 晴天 星期二
話咁快就六月啦。七月中我地就快去東京啦#love# 點解又係去東京？因為我好鍾意東京咁多女仔野賣同埋好多好好食既shshi，日本既sushi係最好味，而且我最鍾意食既雪糕都係係東京，個個白之戀人雪糕真係超好味#love# 。可惜地上次同東京只係一面之緣，留係東京只係10幾個鐘，今次我地去10days，係10days，你無睇錯，我地去10days#love# 實在太好啦！可以慢慢感受下東京，唔洗咁趕好似上次咁。而且之前你比我睇你自己去東京去左睇貓貓，我覺得你睇果隻貓貓真係超得意，如果我係度我一定會叫你買:~( 唔知而家個隻貓貓過成點呢？唔知佢係主人屋企開唔開心呢？
雖然你應承左會陪我去睇貓貓，但點睇個隻貓貓都唔會再係到:-( 我今次去睇我應該都唔會買，因為我剩係鍾意你睇個隻:~( anyway，我好期待我地既second trip＞＜期待#love#
7 June 2017 晴天 星期三
由於我英文唔好，特別係listening，其他speaking同reading 好少少。你有個朋友就係補習社度做，你就即刻幫我問左佢話叫佢幫我補英文。其實我一路都好想我d 英文有d進步，但由於屋企環境唔係咁好，我又唔想叫佢地攞錢去補習，加上咁大個人叫佢地攞錢更加難開口，所以我就打消左呢個念頭。今次係個好好既機會，希望我會學有所成，成功咁improve到我d英文。
你有時真係對我好好，你知我呢方面唔好即刻幫我，我有時覺得自己上一世應該做得太多好事，呢世先遇上你:D
10 June 2017 晴天 星期六
今日係星期六，由於我下星期要考試，你無得同我出街行街。我地就lay係屋企，原本我打算溫書，但由於天氣太好，又可以訓到好晏先起身。就算起左身我都唔會溫書＞＜搞到最後無溫過書，剩係食野，訓覺，hea，完全無睇過帶左咁咁多書去你屋企。你叫左我好多次溫書我都唔聽haha。
其實我真係唔想溫書＞＜我想enjoy呢個saturday:~( 同埋我就係想攬攬，錫錫，唔想溫書＞＜今日晏晝既天氣真係好好，暖洋洋咁訓係床度望到藍藍既天空，溫書既事已經拋諸腦後，真希望唔洗再牽掛考試既事，盡情咁享受呢個下晝。但諗起辛苦完呢個星期下星期一定好開心，而且我地仲有兩套想睇既戲，就係＜＜原諒他77次＞＞同埋＜＜去吧！啦啦兵團＞＞，唔知好唔好睇呢？？雖然呢個weekend 我無溫過書，但好開心，雖然我呢刻都好擔心下星期考試點算＞＜
12 June 2017 雨天 星期一
今日係星期一，岩岩考左通識，又係老問題，唔夠時間＞＜我仲差少少就做晒架啦＞＜放學返到屋企有媽媽既炒飯同埋花旗參湯。花旗參湯係我好鍾意飲既湯黎架，我飲左兩腕之後就訓左，訓醒就溫書。
溫到好攰既時候你就打左比我話：「開門睇下」我仲問你做咩開門？當我打開門既時候，我見到有個膠袋裝住個kebab。omg！個時既心情難以用筆墨形容！我梗係即刻打比你，點知你話準備走。我即刻沖去lift 口睇下你走左未。好彩你仲未走，我即時攬你攬到實一實，你仲話唔見左張卡，我即刻叫你落去搵返張卡比我，好彩張卡係車度無唔見到:D 。
個時既心情就好似我已經揀定左呢個人咁，唔想佢對第個咁好，剩係想佢對我一個咁好:-( 我唔知你明唔明我講緊咩，但果種感覺真係眼淚都差唔多流出黎，就係咁一世就好啦既感覺。。。。^3^
我永遠都會記住呢種心跳既感覺架^3^ I Love you so muchhhhhhh~
13 June 2017 8號風球 星期一
話咁快就星期二啦，今日掛左八號風球，由於返學之前落左，所以我都要起身返學。今日起身返學個時個天黑晒，我而家個腦剩係想快d考完試返屋企，完全一秘都唔想係街 or 學校。我剩係想訓係屋企＞＜
返到屋企昏迷到6點幾起身食飯，食飽飽就繼續溫書，點知又掛八號風球。當我溫到好攰既時候，有個人明明同fd去食野準備返屋企，點知佢又去左買kebab我食，今次就叫我出去拎＞＜我見到佢滿頭大汗仲拎住kebab個樣＞＜真係唔知可以講咩好＞＜我相信好多男人都唔會為佢女朋友做到咁，我肯定將來萬一係我身邊個個係第個，佢都未必會為我做到咁^3^ 。
我而家剩係想講一萬次我愛你，你可能未必會知，其實我真係好愛你，你為我做左真係好多野＞＜我知道你真係好愛我:-( 傻瓜＞＜但我今晚有d頭痛同喉嚨痛，我諗我應該想發燒。。。而家我唔寫住啦。。。我要準備訓覺啦＞＜我頭好痛:~(
14 June 2017 雨天 星期三
今日終於考完地理，考緊果時我不斷包雲吞。我諗我應該包左20－30個。我無誇張，真係成張台都係我d雲吞。今朝返學既時候我都好唔舒服，於是我就msg 話左你知。點知我一出左學校門口就接到你電話，之後見到你係對面街＞＜仲同我揮手，方死我睇你唔到haha，跟住我行過黎搵你果陣一直都同你傾緊電話。我過馬路個陣見到我平時買開donut果間bakery，於是我諗起你都鍾意食donut，我就買左一個朱古力同一個吉士味。呢兩個味都係你最鍾意架＞＜我同個個人講吉士味比你聽到＞＜行到去第一時間就問你點解sick leave！！
其實我係好開心，因為個人真係好痛，我自己本身都諗住睇醫生架啦！點知有愛人黎陪我睇醫生！其實真係無幾個人會特登請假陪女朋友睇醫生。當然我開心之餘都有小小嬲，因為我唔想你請假＞＜跟住你就渣車車我去養和睇醫生，我人生第一次去d咁高級既醫院，我以為一定好貴啦！原來都唔算好貴。不過都係一個好好既experience！！睇醫生都講experience haha。
當我去洗手間出黎個陣竟然見到有個好似余文樂既人，我以為我病左一定係我睇錯啦，點知真係余文樂！！我地仲笑佢扮晒大明星咁，不過無人識佢haha，仲記得佢行出黎個陣仲chok晒樣咁，可惜無一個人望佢（除左我地haha）
跟住我地行左去附近既正斗食飯，我無咩胃口，食左少少就無食＞＜晒左好貴既野:-( 跟住你就車左我返屋企，跟住你再返屋企，我返到屋企食左藥好快就訓左，起身個陣已經退左燒，不過仲有鼻水。
我成日諗，你對我咁好，如果第時我地分左手之後我仲點搵一個對我咁好，咁愛我既人？有時我仲會諗你而家對我咁好，以後你身邊個個唔係我既話，你又會唔會對佢咁好呢？
16 June 2017 雨天 星期五
啦啦啦。。。今日終於考完所有試啦#love# 。感覺好幸福#love# 。成身鬆晒咁:D 但由於琴晚我地因為d小事嘈左交，直到今日我地都無搵大家，我放學返屋企就訓左覺咩都無諗。因為琴晚溫書溫到凌晨，加上琴晚我失眠，成4點幾都訓唔著，於是我就即刻食飽飯訓覺。訓醒已經6點幾，你已經收左工。
我突然收到你msg問我去唔去睇戲，由於我仲嬲緊，我就無去到，繼續訓覺，唔知你知唔知當嘈交，或者發生一d唔如意既事既時候，我好鍾意訓覺去麻醉自己，因為我覺得訓覺就好似暫時死亡咁，將d唔開心既野／嬲既情緒暫時忘記。通常就算我好嬲但我一訓醒我就忘記晒，所以下次嘈交比我訓一陣就無事haha。
雖然今日係考完試既大好日子，但因為嘈交所以我地無一齊過呢個星期五，諗返起，我地一齊到而家好似無試過weekend唔一齊過，希望聽日等你踢完波黎搵我啦:D 。
8 July 2017 雨天 星期五晚 4：43am
而家係7 jul 夜晚，我諗住訓覺，但訓唔著，而家係4：43am，即係8號啦！我諗一定係失眠。前陣子因為考試好忙，根本無時間失眠，一訓低就訓到隻豬咁！但今日係考完試既7月，終於可以抖下，不過其實就每日都仲要返學＞＜雖然辛苦，但都最後半年啦！一定要堅持埋佢。
當你睇晒呢本日記既時候，我地已經分開左。日記既開頭我話我唔係一個三分鐘熱度既人，但好可惜呢本日記無辨法再寫下去了。。。原本呢本日記諗住3 Sepetember, 2017 送比你，作為一週年既禮物，因為你話過收呢d野比較有意義，我都係第一次寫日記，都係因為你既一句野我先開始寫。
2016年既8月，我同我ex分開左10個幾月，差不多一年了。佢有幾次有msg我話想同我一齊返，但我無同佢一齊返。直頭8月中，我都無再拍拖，放假日日就lay係屋企，我諗有成一，兩個星期連續無出過街，我無誇張。就連野食都係細佬幫我買。咁我就有上高登既習慣，個排全城炒到熱烘烘既就緊係ptgf呢樣野啦！ 我係高登睇到呢個po 之後我笑左，覺得d女仔好傻，同時都好可憐佢地，比人踢爆。不過我覺得係唔抵可憐既。
當時我一直想買手機，因為我部手機6月個時唔見左，我唔想同我ex講，雖然佢一定會買比我，但我已經唔想再搵佢。唔知你記唔記得，我曾經帶過一隻介指，個隻介指係分手既時候佢送比我既。好似都幾出名既大牌子，原本佢話我18歲送比我既，但我一直都無帶。因為我一直覺得我先18歲，帶介指好似有d老土，但後尾我先發現原來呢隻咁既介指要成＄5700 usd。我純粹出於覺得呢隻介指貴先帶下。
咁我個陣又無錢洗，我又無返工。我其實一直都想返pt，但我搵唔到。因為7月先黎搵暑期工太遲啦！咁我日日lay係屋企好似好無意義咁，又無fd，又無街想去，於是我就諗起係高登睇過ptgf post，我就去了解下，最後發現原來要ml，hj。。。。（我都唔識個d點叫），於是我research左成日，我就是但開個新ac，試下dm下d人，結果你最快覆我，其實我有dm左20－30個人，feedback都有10幾20個，但因為佢地出既價錢太低，我就最後揀左你。我其實係好驚，驚比人影放上網，於是我都好小心翼翼觀察有無比人偷拍。
黎到呢個時候，我無必要呃你，我只係約過你一個，可能你呢世都唔會信，不過呢個係事實。我一共收左你＄10000，我一直都唔覺得你對我有興趣，包我就更加唔洗講一定唔會啦！呢個tag大把選擇。到第三次你約我睇戲個次，我一路以為個日開始就係我地相愛既日子，即係3 September, 2016。仲記得當時你約左我好耐我先出黎，因為我覺得唔夠靚又唔夠瘦，我個排食少好多野。夜晚幾乎唔食飯就係諗住想瘦d，因為我記得你係話鍾意d 靚同走肥既女仔。所以我唔係講大話呃你，我亦都唔係唔想見，我係想瘦d 為你鍾意既人。我地最後一齊左差唔多一年，呢一年入面我對你係全心全意，無鍾意過其他。
2017年5月係我地既挑戰，佢出現左。我只不過同佢傾左一，兩日計之後無再傾過。佢都知我有男朋友，佢唔係有錢人。我從來都唔介意男朋友有無錢，同靚唔靚仔。因為我覺得樣子係天生既，無得改變，唔應該去介意人地靚仔or唔靚仔。我揀男朋友從來都唔一定要揀靚仔。其實呢個人都唔靚仔的，所以我絕對無貪佢任何一樣野，佢都無野比我貪。加上佢唔係我鍾意既人，佢唔係我想要既人，所以我同佢一定無可能。
到左第二個，我同佢識係2015年，即係分後先識佢既，我同佢識係係街度識，我識佢之後一直都唔知佢有女朋友，而佢都無講過。佢一開始有追我，但我發現左佢原來有女朋友！！之後我就因為呢件事嬲左佢。係佢有女朋友仲想得一想二，而唔係我做第三者。當我知道佢有女朋友之後我無搵過佢，佢都無搵過我，因為佢知道無可能同時同兩個女仔一齊。佢有同我講過佢其實唔係咁鍾意佢女朋友，想分手好耐。
咁2016年3－4月既一日，佢係我屋企附近，佢就msg我同我食左一次飯，當然我有上過去佢度。呢個係事實，但上去唔係你所諗咁樣，其實係好似情侶咁only，你信唔信都好！我知佢同佢女朋友同居，而我每次食飯都會係佢屋企，因為佢屋企樓下就有外賣，所以先會有咁既對話。我先問佢女朋友係唔係度！而佢都唔係我想要既人，因為佢對佢女朋友做得呢d野，佢都會對我做出呢d野，所以我唔會同佢一齊。
2017年6月，我好努力想去做一個好女友。想好似2016年9月咁，令你感受到我其實好愛你，但你感受唔到。到發生個件事。我有兩個得著。一，係我屋企人好錫我。佢地知道我比人打，比人蝦，佢地會企出黎義無反顧咁幫我。我一向都唔鍾意我daddy，因為佢好惡，但佢一知道我比人打個陣佢可以追落樓幫我追，沖出馬路，佢連鞋都甩埋，佢都幫我追。最後我親眼見到你渣車走，蹶一刻我同自己講，呢個人我呢一世都唔會再愛架啦！
最後我返到屋企，以為會比佢地大鬧一餐，但佢地咩都冇講，剩係叫我早d訓，聽日返學。呢件事我知道我daddy佢其實好錫我，媽咪就唔再講。仲記得你上次搶我手機我隻手傷左，我同媽咪講我打拳隻手先傷，佢就幫我茶藥油。今次我條腰傷左，佢日日幫我look雞蛋。
第二個得著就係我地其實唔岩大家就盡快離開大家，畢竟我都18歲，你都28歲，唔想晒大家時間。
仲好記得2016年9月識你個陣我好開心同我媽咪講我識左一個有錢又對我好既男仔。仲記得你送99支花比我，我媽咪都有份幫我養住佢地。
我可能唔係你心目中既乳香女神，我永遠都唔會再有16歲。我經常唔鍾意佢，呷醋係因為佢係唯一一個係rubbish口中話靚既女仔，雖然到呢一刻我都唔覺得佢靚。可能佢係你人生第一個學生妹掛，佢個樣又唔細個。whatever，你鍾意就好，而且我呷醋既原因係你從來都唔會去傷害佢，即使上次post d人出黎，唔係我講我諗你都唔會post佢出黎。對我就永遠就係打我。仲有我覺得你鍾意佢可能因為佢個歲數，你鍾意既可能就係佢16歲。而我就永遠唔會再有16歲，比唔到我既16歲你，可能你先咁鍾意佢
即使佢之前呃你去約其他人，你post佢出黎再幫佢搞返掂，你都仲信佢無約過其他人。而我，你就一直話我有約其他人，人地話錢你就比錢佢。。。我知道你真係好鍾意佢！
你鍾意我，可能你係鍾意我性格，覺得同我有計傾，岩傾先鍾意我，而你唔係鍾意我個樣，even我身材個d，因為你鍾意個d人個樣我都覺得唔靚，好普通。可想而知佢係rubbish口中讚佢一個係幾咁有面。
我既18歲，可能你覺得一d都唔吸引，一d都唔似學生妹，我覺得18歲對於我黎講其實好有意義，因為18歲係法律上係成年人，但又唔可以話好大個，係17歲同18歲之間就好似女仔變成女人咁，成熟同唔成熟既交界點。當你每次話18歲有咩特別？18歲已經係大人黎架啦。好多時我都想反駁其實大把人鍾意18歲，而你偏偏鍾意15，16歲先覺得18歲唔吸引唔特別。每次我咁諗既時候我都會好後悔我既18歲比左你。
anyway，以後我就係19歲架啦，我以後唔可以陪你食kebab，正斗，pizza。行sogo，aeon，去上次我地去唔成既纜車，去沙灘影靚相，去期待已久既東京之旅，都唔會有機會去我認為最浪漫既巴黎。去唔到東京睇貓貓了，以後既中秋都陪唔到你睇無聊既magic show，以後你都要努力搵錢返工儲多d錢，希望比更好既野下一個女朋友。
係呢一年入面，我去過北海道同東京，我想去好多地方都係我想做空姐既原因。
呢d野我就比返你，因為我有愛情潔癖，我唔鍾意留ex既野，呢d野仲好地地我又唔捨得dum，而家比返你。呢隻熊仔你以後要照顧好佢啦，你唔洗比返呢d野我，我唔要啦！同埋東京旅行d書，比返你，希望july既東京trip你早d plan，雖然個trip唔會有我，希望你當散下心，返黎再搵工搵多d錢！
仲有，希望你叫少d雞啦，雖然我知男仔無拍拖叫雞好正常，不過唔係個個女仔都全單接受你既過去。儘量叫少d啦！
我覺我 吃鯨魚的人呢首歌好好聽，因為我覺得一個好愛好愛一個女仔既男仔先會唱得出呢首歌。所以呢首歌係我呢排大愛！
以後無我呢個囉嗦鬼係你耳邊煩你，以後都唔會有人鬧你啦！記住千奇唔好再打女朋友，女仔其實好脆弱，其實好hurt架！以後鄭中基演唱會只有我一個人去了！但唔知佢幾時再開呢？
雖然有排都未到，我都提前講句，happy one annieversary！：）
最後一次為你失眠了！
謝謝你呢一年對我既好！
芷純
8－7－2017
6：17am
當你睇完呢本日記唔知你有冇覺得我真係好愛你？而唔係你一直以後我唔愛你，其實開心既野好多，不能盡錄下來。希望你會鍾意呢本提前既週年紀念禮物。
再見我的18歲。
一路睇呢本日記，我都唔記得自己流左幾多眼淚，只係知道睇咁耐就喊足咁耐。見到好多連我自己都唔記得既細節，諗返起好多甜蜜同開心既回憶。而家睇完先知道，原來我一直以黎做過既野佢係知道同睇到。如果我可以早少少睇呢本日記，我諗我地一定會化解左好多誤會。
睇完本日記，我既內心更加內疚。覺得自己錯得好離普。但係見到佢最後都誤會我鍾意阿lam，我真係好唔甘心，我真係唔明點解到左今日佢仲係咁諗我。
我拎住本日記，睇完一次又一次，眼淚滴到成床都係。我終於忍唔住send左個sms比佢。
我：「bb😔。我收到你d野啦。好多謝您本日記。我諗您都好清楚，睇完之後我只會更加唔捨得您。d書我會keep住，不過d卡我比返你，呢d 係我既心血黎，唔好將所有野推晒比我要我自己一個人去面對好冇？熊仔都係。。。請你唔好比返我。對住本日記已經對我好殘忍。」
芷純：「唔好再寄返d野比我，我唔要，我都唔會收。你唔好將d野寄黎寄去。你直接dum左佢就ok。」
我：「😔你唔鍾意既你自己dum，我真係dum唔落手。」
芷純：「唔好再寄比我。唔想再見到呢d野。見都唔想見。」
我：「😔總之d卡同熊仔你要dum就自己dum。」
芷純：「你要比你就比返d mask同之前你幫我上網買果件泳衣比我。其他我唔要。」
我：「我比返你你自己dum晒佢啦。」
芷純：「我叫你比返泳衣同mask我。聽唔聽到？我只會收泳衣同d mask，其他我都會dum，果幾張垃圾卡。」
我：「隨你點講，你想dum就dum。」
芷純：「我會。從來唔會留低呢d垃圾。」
我：「只係我唔想自己dum咁解。嗯，係垃圾黎。」
芷純：「關我咩事？所以唔洗寄d垃圾黎。」
我：「總之你自己dum。」
芷純：「聽唔聽到我叫你比返d咩我？唔寄就唔好寄了。去約ptgf啦silver boy haha。」
我：「咩silver boy？」
芷純：「你唔係以為我唔知丫？你d ac 幾易認先得架。」
我：「我冇睇個tag好耐啦喎，點解你仲要睇？」
聽到佢咁講我真係好無奈，呢一年黎我已經對ptgf 無晒興趣，更何況分手後我日日都諗緊點氹佢，又點會有心情去約人。於是，我上左ig search 左silver boy 既account 黎睇下，見到佢開左個post。
「失戀好耐
想搵ptgf陪下
想搵乖乖樣既學生妹妹
價錢可議
要有前戲，hj or bj
本人白，樣子中上
會溫柔，會錫住你
有意dm」
見到個post我當堂屌左出聲，咁都可以誤會係我？
我：「我想知呢個post有邊忽似我？你識我咁耐都知我開親post都一定講自己有車，而且我一路都有同你講我從來唔會搵ptgf hj。呢個post 咁低質你都話係我？我想講呢個tag冇我想要既野，我相信亦都冇你想要既野。唔好再睇啦，我一早已經放底左呢到。」
芷純：「我睇唔係我做ptgf，而係我知道你一定會叫雞。」
聽到芷純咁樣睇我，我真係好灰心，唔通呢一年重唔足夠證明？係咪一個人以前做錯過就以後都一樣會做呢件事？
我：「你信唔信都好。冇錯，你走左之後我係好灰，做咩都好無動力，不過呢條舊路我係點都唔會行返。你改變左我好多。感情係買唔到，呢d野係我同你一齊學返黎。我當初貼人，而家寫故都係想叫人唔好做ptgf，唔好叫雞，唔好行返我既舊路，我一d都無留戀係個tag到。」
芷純：「你叫唔叫都唔關我事。狗改不了吃屎的習慣。btw，你要比返野我既，你一係拎過黎，我聽日放假。」
我：「是但你點諗，我要解既都解晒，你憎我開心d既就憎啦。咁我聽日拎比你啦。」
芷純：「你打我唔係覺得我唔憎你下話？一係你而家過黎，反正你都唔洗返工。」
我：「介唔介意陪我去食d野，唔阻你好耐。」
芷純：「睇下你拎唔拎返d mask同泳衣比我囉，考慮下。」
我：「唔洗咁大牌ar😔。」
芷純：「係。」
我：「你唔需要咁緊張呢d野，我冇話過唔拎比你。」
芷純：「無緊張，你可以唔拎架。」
我：「最後晚餐，你叫我拎咩我都拎架啦。」
芷純：「無計，我就係咁深得男人心。」
我：「咁我而家過黎。」
芷純：「你食咩？」
我：「翠華啦。」
芷純：「是但，反正我都唔食。」
雖然係好無謂，但我都想同佢重溫一次第二次約會時候做過既野。我拎左我寫左妤多年既果本日記同埋送過既卡比佢。因為佢話我拎走左佢既18歲，我可以做既，只可以將我自己既18歲比返佢。本日記寫低左我由15歲開始自己一個人同自己既讀白，或者，佢睇完之後，會明多我少少。
我帶埋個結他出去，想最後唱多次歌比佢聽。其實我心入面好清楚，做再多既野都唔會改變到d咩。不過今次可能係最後一次見，我唔想最後一次都有遺憾留低。
凌晨既時間，渣車行過東區走廊，街上面冇咩車。我諗返起我第一二次去接佢既情境。十個月既時間，竟然可以將兩個人由陌生人到相愛再變成憎痕。行過我每個星期都會來回幾次既喎，感覺好熟識，好似返緊屋企既感覺咁。望住熟識既牛頭角，呢個地方比我一種好溫暖，好有家既感覺既地方，以後我諗我都唔敢再黎。
我：「我到左啦。」
芷純好快就落左黎。一如以往，佢一上車就會同我講：「哈佬。」
不過今次唔同既係，我地無再好似以前咁一上車就拖住手。
我渣返去我地第二次見面果間銅鑼灣翠華。我故意渣到好慢，想好好enjoy埋最後有佢既時間。成程車我地都冇咩野講，只係間唔中好cool咁講兩句野。
我特登渣去經過一蘭既果條街，記得一年前佢係呢個位唱住落花流水。估唔到原來我只係佢生命中既流水。
去到翠華之後我地坐底左，我是但叫左d野食，不過都冇食到。自從佢離開左之後，我就食得好少野，瘦左好多。仲記得一年前我地就係同一個地方，第一次面對面傾咁耐計。果次既對話令我地了解左大家好多，亦因為佢係翠華呢到一句王晶姐姐既對白，令我佢有好感。
奈可，眼前既人已經變左，只有我冇變到。坐係到再耐，都唔會將時間返返轉頭。
我：「走囉，我飽啦。」
於是，我車返芷純去到屋企樓下。
我：「可唔可以比少少時間我唱幾首歌您聽？」
芷純：「下，唱咩丫。」
我係車尾箱拎左個結他出黎。我同佢坐左係車既後面。
我唱左首為你失眠比佢聽。
芷純：「唱完啦麻？咁我閃啦。」
我：「你冇野想聽咩。」
芷純：「聽咩姐，都聽過晒啦。」
我：「😔係既。」
芷純：「全世界失眠囉，而家岩唱。」
同一支結他，同一首歌，同一把聲，同一個對象，但係所有野都唔同左。
之後我唱埋吃鯨魚的人同非走不可比佢聽。
芷純：「非走不可都幾似我地喎。」
「你的天空宇宙只夠我流淚 不可跳舞。」
我：「係咩，你以前都係咁講你ex。」
芷純：「d野係邊？」
我：「係車尾，我拎比你啦。」
我拎埋d野最後一次陪佢上樓。
芷純：「你比你本日記我做乜q野姐？我都話剩係要泳衣同mask囉。」
我：「你睇下先啦，你唔鍾意睇就掉左佢啦。我走啦。」
芷純：「我唔睇呀，我而家就掉左佢。on99，比我都唔知做乜春。」
我冇理到佢就落左樓。