我係喜達,撈麵界既亞視續集,一個屬於黑林頓兒子既故事: 落難廣州

『過去睇下架巴士係去邊到』黑邦將警棍插係褲頭

黑邦同李克勤收拾行裝,打開司機位既儲物格

『有部電話..』

『係呀..個司機架..拆左張卡佢袋左佢』

李克勤將電池拆出,換入一張太空卡入去





大巴泊係停車場,有部份乘客落左車去洗手間

『喂邦仔,架車去廣州架』

『唔好理去邊喇,上車啦,求其搵個位坐低』

李克勤同黑邦係最後排搵左兩個位坐低

『求神拜佛..架車唔好坐爆』





乘客慢慢上返晒車

好彩大巴還有一半位置

開車了

巴士經過剛才爆炸現場,發現有大批警員

『嘩,爆炸耶』





車上既乘客都從窗口觀看

李克勤與黑邦則將外套拉鍊拉到最上,遮住自己的樣子

幸好警察沒有叫巴士停低

『呼..』

二人如釋重負

『訓一陣先啦,我望住出面先』

『好呀,頭先嚇到得返半條人命』

不消五分鐘李克勤就睡著了





黑邦想拎出電話找楚玲,但電話剛剛已經爆炸了

『仆街喇,咁我點搵楚玲呀』

『喂..勤,你有無我楚玲電話呀』

黑邦推醒李克勤

『邊個楚玲呀』李克勤睡眼惺忪

『我條女呀』

『我點會有你條女電話呀..』





『咁仆街喇』

大陸茫茫人海,要再次見到楚玲必需再返回酒店

但係有可能再返去嗎?

無可能

李克勤搭住黑邦膊頭

『實見得返既』


『喂?』





『嘩勤哥仔你上晒電視喎』

大圈龍打電話比李克勤

『下!?有無出樣呀!?』

『咁話無,不過就打左兩個名出來,一個張小紅,一個嚴大丙囉』

『哦,喂仲有無身份證呀?』

『你係邊呀?』

『廣州果邊,你答左我有無先啦』

『有,我老婆住係廣州,我叫佢搞兩張比你』





『好,我地呢家係常歡酒店』

『等CALL啦』

其實李克勤同黑邦正身處與常歡酒店一街之隔既桑拿浴室

這時勢,萬事都要小心為上

半小時之後

『喂?是勤哥嗎?我是呀龍的老婆,我到了,你在那裡』

『在門口等我』

李克勤在窗口細心觀察

『應該OK,我落去睇睇先』

李克勤將無子彈既手槍帶上

『有咩事要黎嚇下鬼都好架..』


『嫂』

『你是勤哥嗎?』

『嗯』

『我老公叫我給你的』

『謝謝了嫂子,我先走了』

李克勤急步步回桑拿浴室,途中不忘四處張望

『咁大袋既?佢拎左D咩比你呀』

『兩張證..李明,李鵬..屌我地可以扮兩兄弟喎』

『仲有呢..嘩有錢喎,有三千蚊係到』

『大圈龍..都算係咁』

『仲有支槍,仲有三個滿既彈夾』

『嘩呀勤,大圈龍咁撚大手筆既』

『其實佢係我呀哥..』

『下?無聽你講過既』

『不過就同母異父,細細個都成日返大陸同佢玩,大左就比較少見面』

黑邦亦都無再問落去

佢唔鐘意問人地家事

亦唔鐘意人地問佢家事

『我想打個電話返屋企..』

電話響左好耐

『喂..媽呀?』

『點呀仔,呢家先打比呀媽既?掛死我咩』

咦,聽呀媽語氣,好似唔知咩事咁既

『哦...無呀..忙呀..係呢有無人上過屋企搵我呀?』

『無喎..做咩事呀?』

『無..問下姐..係喇媽,凍下呢幾日,著多件衫』

『你都係呀仔,夠唔夠錢用呀係上面?』

『夠喇,我上黎做生意架麻..係喇唔講住喇電話無電,拜拜喇媽』

『你都要小心呀,得閒就要打比呀媽,拜拜啦』

收線之後,黑邦跑去李克勤房間

『喂呀勤,差佬無上過我屋企喎..』

『下?!』

『係呀』

突然,李克勤電話響起

來電顯示



『馬老闆』

『你係邊個』

『我呀!你老細呀』

『馬老闆?』

『係呀,你地係邊呀?』

『我地咪係大陸囉,之前唐律師打電話比你話你同良哥比人拉左既?』

『下?!我地無比人拉喎』

黑邦好震驚,然後將係大陸所有發生過既事話晒比馬老闆知

『唐律師有少少問題,係我離開香港之後就開始失去聯絡』

『咁..會唔會係唐律師比人拉左,然後交我地出來?』

『我唔敢肯定,但係好大機會,我都要問下我老闆』

『下..馬老闆..乜你唔係老闆咩』

『..一時之間都好難解釋,我背後仲有一個老闆,我只係做出面果個』

『哦..咁個老細係邊個?』

『唔好多事,知咁多無益架,你地等我CALL啦』



『喂?老闆呀,我係呀馬呀』

『嗯?』

『係,想問下我有兩條o靚..』

『講國語』

『呀..哦..好..好..是這樣子的,我有兩個手下在大陸出事了,我懷疑唐律師有問題』

『是我叫唐律師打電話給他們的,也是我故意將他們擺上的』

『..為甚麼』

『我跟你說喔小馬,你知道為甚麼我們的生意可以做得這麼順利?』

『因為老闆你人面廣,又會做生意』

『你知道我人面廣喔?那就好了,人家現在跟我說,這件事情已經很多人在討論,一定交人出來』

『哦,那很簡單,我回香港給錢隨便找幾個道友出來認罪,不就可以了吧』

『小馬,事情搞得太大了,不是我們兩個可以說了算,再說,工場上一定有他們的指紋,我跟你說他們一定要死』

『老闆,他們兩個跟我很熟,做事情也很妥當..』

『小馬..別再說了,今天我把他們交出來,他們不死,到時候他們把我們交出,就到我們死了』

『...』

『懂吧?』

『懂..』

『你還有問題?』

『沒..沒了』

『Do......』


馬老闆權衡過輕重之後,都覺得幕後老闆的決定亦都是為大局著想

但畢竟黑,李二人跟隨自己多時

怎能夠忍心下手,但幕後老闆要二人死,馬老闆亦都不能夠阻攔,所以打算采取不干預政策

就任由幕後老闆處理

第二日

『都係無人聽』黑邦打第十八次電話比馬老闆

『晏少少再打啦,出去食d野先』李克勤伏在窗邊,觀察左一段時間

『你估..我地係咪比人擺撚左上枱』黑邦將煙頭彈向牆身

『其實我都覺得係..』

『你有無諗過,其實根本無幕後老細呢樣野,其實係馬老闆要擺我地,求其作樣籍口問我地係邊』

『萬千個可能性,我只係知道,呢家開始,邊個都唔可以信』

二人將衣服換上,將手槍插在褲頭步出桑拿

『喂我去買包煙先,你去前面等我』黑邦來到一間士多

『哎老闆娘,我要打電話』然後將五元放上

『喂,你好,西方桑拿』

『你好,我想找玲玲』

『找誰呀?』

『玲玲』

『這裡有很多個玲玲呀,先生要不先過來,我介紹最好的妹子給你』

『不,我只是要找玲玲...85號呀』

『喔,85下班了,你還有別的相熟技師嗎?沒有的話我可以給介紹』

『不,我只是要找她,可以給我她的手機號碼嗎?』

『先生不好意思,我們不能夠透露技師的資料,要不我幫你留個訊息吧』

『好,我電話是1387987xxxx,幫我留給她』

『喔,先生你貴姓?』

『嗯..我叫做時光倒流』

『時光倒流?』

『對,叫她打給我』

『沒問題』

『謝謝』

『老闆娘比多包紅萬我,幾錢呀?』

黑邦點了支煙,然後將香煙遞給李克勤

『喂呀邦呀..我地係咪又要走喇,馬老闆知我地係邊架喎』

『唔洗咁驚住既,琴日同馬老闆聯絡既電話卡唔好再用,我地係大陸姐,佢點知我地係廣州』

『咁我地得返幾千銀,好快用晒架喇』

『行住先諗啦』