我係喜達,撈麵界既亞視續集,一個屬於黑林頓兒子既故事: 警匪追逐戰
李克勤電召左架車係門口等我地
『喂,行喇,車到左』
『邦仔呀..比你支電槍我好無..』
『咁我渣咩呀?』
『我比支槍你』
『..好』
黑邦好了解李克勤,李克勤絕對唔係怕事而唔渣槍
而係佢驚係緊要關頭唔敢開槍
係緊要關頭,黑邦絕對可以比佢心狠手辣
安全上車
『老闆火車站對吧』
『係..快d』
『係喎咁夜仲有無火車架』
『我上網睇過,十二點正仲有一班車,我地仲有成兩個鐘時間』
同樣係緊要關頭,李克勤亦都可以係一個細心既人
『哎唷有路障』
李克勤從後座企起身睇清楚
『仆街喇邦仔真係有薄洛呀』
『定d黎,坐返低』
黑邦將手槍放係椅邊
『停車.給我證件..你們去那裡呀?』
『警察先生我載兩位老闆去火車站』
『這麼晚還去火車站?你們兩個都給我證件』
『對呀,我們要回鄉,他是我表哥』
黑邦將佢同李克勤既證件遞比警察
五分鐘之後警察返來
『你叫甚麼名字』
『我叫張小紅』
『你呢?』
『我叫李克勤..不..我叫嚴大丙..我意思是我很喜歡聽李克勤唱歌..哈』
『走吧』
警察將證件遞返比黑邦
『呼..嚇撚死我,好彩個警察聽唔清楚姐』
李克勤點起香煙定驚,抽了兩啖再將香煙遞比黑邦
『喂..』
黑邦沒有接過香煙,只是一直望住倒後鏡
『邦..咩事呀』
『由過左薄洛之後..我見到有部車跟住我地..』
『邊部呀..』
『藍色果部』
李克勤慢慢另轉頭,望左大約十秒到
『好似真係喎..司機,靠邊停下』
藍色私家車亦都靠邊停低
大家都知道發生咩事,無出聲
李克勤將電槍電池插好,試開一次,而黑邦就將手槍上膛
『司機..』
『下?』
『開車,然後轉去果邊』
『那邊?那邊不能轉呀,逆線耶』
『我叫你轉就轉啦』
『老闆真的不行耶,不然我從那邊兜過去..』
黑邦用手槍指住司機個頭
『我叫你轉就轉啦屌你老母!!!』
『有事慢慢講呀大哥,我才剛上班沒錢啦』
司機以為被打劫
『我唔係打劫,你只開車就無事,我數三聲,你再唔開車我一槍打爆你個頭,三..二..』
司機一腳地板油就轉左過逆線
黑邦即刻轉身望去後面
藍色私家車馬上出現警察燈號追趕
『前面的黑色七人車,馬上停下,我再說一次,前面的黑色七人車,馬上停下,不然我們會開槍』
警察用廣播器發出警告
『唔好撚理佢,渣快d』
『老闆,已經最快了』
『能更快嗎?』黑邦用手槍指向司機太陽穴
『可以..可以』
司機的駕駛技術也不錯,係逆線都可以達到極速
但係去到第三個街口,有兩個警車同時加入追逐行列
『老..老闆..又多兩輛了』
『我知道..你專心渣車就得』
『彭!』
警察係窗口伸出手槍,開出了第一槍,擊中左黑邦車身
『屌..有無奶野』
『無!』
『彭!彭!』
第二同第三槍同時開出
擊碎左車身玻璃
『我屌你老母』黑邦打開車窗,半個人伸左出窗口開槍
『彭..彭..』
黑邦開出兩槍都唔中目標
『屌..得返兩飛』
『開埋佢啦無得揀喇』
黑邦正想再次伸出車窗,子彈將黑邦既車窗打破
黑邦成個人縮左落椅底
『呼..呼..好撚彩』
車身響起無數既中彈聲音,黑邦知道唔可以再等
『呀!!!!』
黑邦鐵馬尋橋咁大叫一聲,打開車門,單手捉住扶手開槍
『彭彭!』
所有子彈都已經用晒
『喂中左呀邦仔!』
黑邦開槍打中左其中一部警車既輪胎,警車失控打橫停低,將後面既其中一部警車欄住
但還有一部
『仆街喇邦仔..仲有部呀』
『咪撚嘈我』
黑邦係褲袋拎出左早前買電槍時屈老闆送既手機電池
黑邦將佢既藍mon手機拎出黎,將電池換入去
『呀邦你呢個時候仲打電話呀?』
『我搏佢爆呀』
由於黑邦以前上高登,聽人講藍mon手機係屬於高度危險既爆炸品,再加上國產電池,爆炸威力一定會好強
『老豆保佑我呀』
『三,二,一』
黑邦倒數三聲之後,將電話擲向警車,電話撞寄警車既擋風玻璃
『幹,是炸彈嗎?』警察問身旁的同袍
『不,只是個手機』
『手機?』警察望一望車頭的手提電話,見到手提電話開始發漲
『幹快跳車,是sam..』
話口未望警車就發生爆炸,幸好警察及時跳車,無搞出人命
『呼..走甩左喇』
不過司機已經尿都賴埋
車再開多兩公里左右,已經無再出現警車
『停車啦』
司機馬上剎車
『屌洗唔洗剎得咁急呀』
『哈..哈..老闆說停..當然馬上停』
『幾錢呀?』
『不,不用錢,老闆放我走就行啦』
『咁呀..你有幾錢係身呀』
『有三百,老闆我都給你啦』
『勤..唔好搞人地啦,司機你走吧,但是你認得我們的樣子嗎?』
『不..不認得』
『很好』
司機馬上開車門逃跑
『我地都落車啦,換過架車走』
『去火車站?』
『無可能,頭先個司機已經講左我地係去火車站,呢家去同送死無分別』
係呢一刻,黑邦見到大約二百米外,有一架大巴