我係喜達,撈麵界既亞視續集,一個屬於黑林頓兒子既故事: 初遇羅波

『喂,呀邦近近地,不如搭摩的啦』

摩的係大陸術語,即是用電單車載客到目的地

同的士一樣,只不過佢係電單車

『問下佢囉』

『喂,去九毛九餐廳十塊可以嗎?』





『不行了,要二十塊』

『好啦比你啦』

黑,李二人各自登上電單車

『喂,呀邦你一陣比錢』李克勤從褲袋拎出一大疊銀錢,係入抽出一張五十元

司機亦看到,兩個司機打了一個眼色





電單車開到一個比較人少的地方

李克勤開始感到不妥

『喂,司機,行呢邊岩路咩』

『走這邊快一點』

『哎,呢邊係相反方向喎』





『沒事,到了』

電單車司機落車,然後亮出小刀

『仆街,中呀,呀勤蚊槍呀』

黑邦隨即轉腰間既手槍拔出

但發現李克勤已經被接應司機既同黨制服住

李克勤既手槍亦都被沒收

電單車司機用槍指住李克勤,向黑邦說

『把槍放下』





黑邦仍然用槍指住電單車司機

『放低槍,不然我一槍打爆你朋友個頭』

黑邦將槍放在地上,然後馬上就被制服

『老大,他們有警棍,有槍』

『哦,咁即係差佬啦』

呢一位操廣州廣東話口音既男人應該就係佢地既首領

『那怎麼辨』





『拎左佢地所有值錢野出黎先』

『老大,有幾千塊,放他們走嗎?』

『咁你話喇,佢地係差佬,又見過我地個樣,你話點做喇?』

『明白』

兩位電單車司機同時把手槍上膛,指住二人

『喂,我地唔係差佬呀,我地古惑仔黎架咋』

首領示意手下先不要開槍

『古惑仔?古惑仔有警棍既咩』





『大佬..唔係一定差佬先有警棍既,你出黎行都有槍啦』

『哈哈..咁你地係到做咩呀?係廣州夠膽拖住支槍周圍行』

『我地...我地係香港比人通緝,著草上黎』

『哦?衰咩呀』

『制毒』

『制毒?!制甚麼毒』首領跟手下面面相覷

『冰毒』





『幹,這個你也會弄?!』其中一個手下忍唔住問二人

『唔識又點會著草呀』

『先扶起他們』首領指示手下

『你地..制毒..難唔難?』

黑,李二人感受到他們對製毒有興趣

『唔難』

『唔難?需要d咩架』

『我需要四個大號燒杯,兩個...』

李克勤如數家珍地向首領講出所需用具

『嗯..先上車吧』


車入面既黑,李二人

都知道暫時唔會有生命危險

起碼,係佢地交出制毒配方之前,一定不會死

首領在開車,然後他的手下則坐在他旁邊,用槍指住後座的兩人

『喂呀哥,指左咁耐你都累啦,我地連毛都比你刮埋出黎,收埋支槍先啦』

『係囉,大賊先生你不如冷靜d先,放低支槍先啦,我驚你走火呀』

黑,李二人一唱一和

『閉嘴!』手下大喝一聲

『哈..』首領沒有出聲,只是笑了一下

然後汽車駛至一個廢置的工廠

『下車,進去』

黑邦觀察周圍的地方

工廠應該已經被棄置一段時間,周圍都鋪滿塵

『你們先出去』首領示意手下出去

『大哥..』

『可以的,出去』

現在就只淨下他們三人

『你們叫甚麼名字』

『我叫李明,他叫李鵬』

黑邦指住李克勤

『你們是兩兄弟?』

『對,親兄弟』

『小伙子,少來了,我沒做劫匪之前我是做假證的,告訴我,你叫甚麼名字』

二人絕對處於下風

『我叫黑邦..』

『我叫李克勤』

『喔,對了,你再說一次,你們制毒,需要甚麼工具』

『我要一個...兩個..三個..』

『咪住先,你等等,小鄧你進來,拿紙筆』

呢位首領一時又廣東話,一時又普通話

李克勤將所需要的工具講晒出黎,有些比較冷門的工具,李克勤怕他們不明白,畫出來

『哎,兩位兄弟,我想問你們制一次毒,賺多少』

『我地打工既姐』

『也有個數吧』

『我地兩個,每製造到一公斤,我們有三萬』

『賣出去呢?』

『三十萬』

『幹!真的嗎?我他媽的搶劫兩年了,還沒有三萬』

『哇咁你又流左d』

黑邦和李克勤同時係心裡講出

『我跟你們說喔,以後我地三兄弟拍住上,撈起佢,喂你全都進來,叫邦哥,勤哥』

『邦哥!勤哥!』手下們用響亮既聲線向二人打招呼

『仆街喇..呢舖真係唔洗走』黑邦細聲向李克勤講

李克勤則問首領

『係呢,點叫你呀賊王』語帶雙關

『我叫羅波,叫我波哥就可以了..』

『咁呀波哥,你地都以兄弟相稱啦下話..』

『對呀』

『咁頭先果幾千銀,比返我地袋住先得唔得呀?』

『不行』

然後羅波後褲袋拿出五十塊給二人

『袋住先,遲d我地搵到食多多都有呀!』

六小時後,工廠已經推滿大大小小既工具,大部份當然係靠搶劫黑邦既錢來買的

『喂,兩位兄弟,呢壇唔好搞唔掂呀,我好大投資架』

『d錢咪又係我地既』

『唏,我地兩兄弟你講呢d,係呢,開工啦不如,試下佢』

『工具齊就係齊呀,但係麻黃素呢?』

『麻黃素..呢個名咁熟既..』羅波摸摸頭頂

『係呀,一定要有麻黃素先可以製做到』

『黑哥,麻黃素買得到嗎?』上午打劫黑邦既電單車司機,已經稱呼黑邦做黑哥

『屌你假到嘔』黑邦只敢係心入面講

『買到既,黑市囉,一係就買感冒藥囉,買住幾萬盒黎先』

『無錢喎』羅波攤開雙手,表情滑稽

『咁我地都無辨法..』

眾人靜默

『屌係喎,呢排成日係江湖打聽到好多人講麻黃素,我醒起喇,聽聞今晚十二點會有一大批麻黃素會運經廣州天河』

羅波搭住黑,李二人,然後好大聲咁講

『我知道喇,你兩個渣晒槍咁..又係撈制毒,梗係想扑呢批麻黃素返黎啦』

『嘩,黑哥有種呀』『黑哥有膽色』『黑哥強呀!』『黑哥OP呀』

手下們大聲吹捧黑邦

『喂我地唔係..』

『唔洗扮野啦,呢壇野你地搞唔掂架喇,天意比你地遇到我,我亦好珍惜呢一段緣份,今晚我地三兄弟拍住上,帶埋我地既手下去扑佢返黎』

『咩我地既手下..唔係喎』

『咩唔係呀?大聲d,叫黑哥,勤哥』

『黑哥!勤哥!』手下們叫到力竭聲嘶

『得得得..細聲d先..』

『黑哥話我地太細聲,我地再大聲d』

『黑哥!勤哥!』分貝拍得住飛機起飛

『屌,係咪玩鳩我呀』黑邦搖頭

『係開始之前,我敬黑哥,勤哥為大哥,二哥,我認在決定,將我廣州天河區山野組組長既位置交比黑哥,勤哥則為副組長』

羅波四十幾歲人叫個廿歲既o靚仔做大哥

羅波乾咳兩聲接著道

『而黑哥,勤哥的加入,我們山野組已經正式成為十個人既組職,人數正式達到兩位數,好野』

七名手下賣力地拍掌,更有兩名手下跳起吶喊,好興奮

『乜撚野山野組你老母,個光頭佬係咪睇得多日劇得濟呀,點搞呀,邦仔,唔係,係組長』李克勤呆若目雞,挨著黑邦

『我點撚知呀,見步行步啦,副組長』

『報告組長,收到消息架車仲有兩個鐘先到,可以休息一陣』呢條光頭羅波真係睇好撚多日劇,交足戲咁叫黑邦

『喂..唔係呀喂波哥呀』

『組長,仲有咩事,請講』

『唉..無野喇』