自從住咗hall先知，扑野原來可以咁簡單: 繼續系列《七、一枝煙的時間》7.2
「天文台話今晚得七度咋喎。」我望一望電話，對住係床上面嘅Vivian講。
「唔怪得閂哂窗都咁凍喇。」佢拉高咗張被，只係露咗個頭同一雙手出嚟放係電腦上面打字。
「你又寫緊嘢？」我行近去Vivian嘅身旁，係佢床邊坐低：「今次寫咩呀？」
「今日聽個朋友講咗個故事，想幫佢寫出嚟。」佢定眼無離開過電腦：「比少時間我寫，如果你怕悶你可以返房先架，我一陣寫完先搵你。」
「唔緊要，你寫呀，我聽下歌先。」之後我打開咗自己部電腦，又開始播《尼古丁》呢首歌。
「咦，你有聽啊？」佢望一望我，又望返電腦：「都話正架喇，無介紹錯呀呢。」
「係囉，唔知點解好似聽上癮咁。」我意味深長咁講：「就好似啲歌詞咁講。」
「邊句歌詞呀？」佢微微一側個頭，望住我講。
沿途寸寸慢慢成灰 心肺就只受你支配
一呼一吸既快樂又愚昧
「呢句。」當歌曲播放到呢句嘅時候，我將身體更加靠向佢。
佢芫爾一笑，臉上面紅暈漸現；但係又無回應我，只係繼續對住部電腦默默耕耘。
過咗唔知幾耐，佢好細聲咁樣講咗句：「好凍。」
我鼓起勇氣將身體鑽入佢被窩之中，然後雙手環抱住佢嘅身體：「咁樣會唔會無咁凍？」此刻我挨近係佢腰際間，動作就彷似一個爸爸聆聽住懷孕嘅妻子肚入面嘅心跳聲咁。
「嗯。」佢暫停咗打字嘅動作，就咁樣靜靜地比我攬住佢。
「我覺得你好特別、好靚。」我索性將頭躺係佢身上：「我未遇過好似你咁樣嘅女仔。」
「所以呢？」佢似笑非笑咁答。
「可唔可以做我女朋友？」我將自己拉離佢身體，直接瞓係佢身旁：「我好鍾意你。」
佢無回答我，只係將自己嘅身體再次拉向我身體，然後比之前抱得我更加緊。
佢貼近我以後，我先感受到佢胸前嘅柔軟，我將手伸入佢件外套入面，輕輕地用手指搓玩乳頭；佢依舊係默不作聲，只係發出絲絲嘅輕喘聲。
我順住腰際向下摸，一直到佢嘅叢林私穴先停下來，然後用手指探入佢嘅深處。一出一入嘅交替令佢嘅下體好快就濕潤起嚟，佢亦將手放在我下體之上，上下咁移動起嚟。
「可唔可以啊？」其實我係問緊佢可唔可以做我女朋友，佢只係點點頭，然後任由我壓係佢上面，無作出任何反抗。
Vivian嘅短髮此刻有少許凌亂，微微蓋住咗佢半隻眼睛；夜裡不施脂粉嘅佢反而有種素人嘅自然美。
當我進入咗佢嘅身體之後，我愈望就愈覺得眼前嘅佢好似古代嘅美人，我搖搖晃晃咁抽插，感覺比起酒後嘅性愛更加夢幻。
完事之後，我就咁樣抱住Vivian入睡，感覺上就好似同咗林黛玉做愛咁。
第二日瞓醒已經十二點幾，寒意無因為陽光而打散，我再次從後攬向佢：「早晨。」
本來Vivian係背住我，聽到我叫佢之後就整個人轉個身面前我：「早晨。」
係黑夜之中做任何事比起日光日白嘅時候更加唔怕醜，而家嘅陽光反而令我有啲尷尬。
大概因為我唔敢肯定琴晚所發生嘅一切都係真實。
就好似發咗一場夢咁。
「攰唔攰呀你，洗唔洗瞓多一陣？」我放輕聲線問佢。
「夠架喇，我唔洗瞓咁多。」佢搖搖頭咁答，之後同我講：「今晚陪一陪我出去呀，得唔得？」
「得，你想去邊？」
「一個有海嘅地方。」
當日各自上完堂之後，我地約咗係地鐵站等，再一齊出去。
我地搭到去尖沙咀站，然後再係P出口行過去海旁。
由於閒日嘅關係，路上嘅行人唔算好多，太多數都係遊客係到影相、睇風景嘅面孔；偶然都有一群群著住校服嘅中學生係到嬉戲談笑。
「點解今日咁好興緻拉我出嚟看海？」我見佢久久未開口，所以我開聲問佢先。
「比起山，我更加鍾意水；你唔覺得一望無際嘅大海好靚，睇完個心會好平靜嘅咩？」佢側側頭望向我，就好似琴晚係床上面咁。
「靚就靚，不過似乎呢個海唔係無際，仲愈填愈近添。」我指住對面岸：「就嚟起一條行人天橋就行到過對面，到時紅隧都要收皮，連地鐵都可以慳返。」
「無辦法喇，香港土地有限，有得望好過無喇。」佢挨近海旁嘅圍欄，一月嘅海風打入皮膚裡面格外刺骨，呢個時候先記起今日比琴日稍為回暖都好，都只係得十度。
「喂，你凍唔凍架。」我拉起佢一雙手：「十度你都著咁少。」Vivian身上面一件灰色嘅毛衣，加上一件黑色嘅長身外套，下身係一條白色嘅闊腳褲；我唔認為能夠抵擋十度嘅低溫。
「啲風吹埋塊面到，有少少刺痛；不過我又覺得幾舒服。」佢緊握返我隻手，佢嘅手心好冰冷：「我係咪好奇怪？」
正當我準備回答之際，佢又再開口講：「凡事都要有少少痛楚先算得上係活著，所以唔好比我過得太快樂。」
我將佢抱入懷裡，然後用手撫摸佢嘅髮絲，從頭頂一直順住落到耳垂：「快樂唔好咩？」
「但係快樂唔會無止境，當有一日呢啲快樂突然間無咗，你就會無所適從。所以要習慣過得痛苦一啲，咁樣失去咗都唔會太難受。」佢淡然一笑，好似好無力咁講：「嘗試過快樂再失去個種滋味，我仲未學識點樣去接受。所以我寧願無得再快樂。」
「點解要咁樣諗呀？你唔好咁負面喇，我好想比到快樂你，以後都係。」我再次向佢承諾。
佢搖搖頭，然後輕輕地從我胸前抽離：「Angus都係咁講，但係佢最尾都係走咗。」
「Angus係我個ex。」佢補充多句。
周邊嘅人聲從未間斷過，玩嘅繼續玩、影相嘅繼續影相，而且入夜之後多咗好多情侶係到散步談心。
「你係咪無信心再拍拖？」我問佢。
「我好怕呢一切只係一場夢，好快你就會消失係我面前。」佢憂傷地講：「我好難先放低到一個人，要我再拎起另一個人，唔係咁容易。」
由於我之前追女仔都未曾遇過呢個情況，所以當佢咁樣講嘅時候，我都無以對應。
「真係唔可以比次機會我？」我再次問佢。
「如果我地唔一齊，起碼我地永遠都係朋友，唔好咩？」佢定眼咁望住我講。
我強手拖起佢隻手，佢嘗試掙脫，我又再捉返緊；來來回回幾次之後，佢終於唔再逃脫。
我地手拖手咁返去宿舍，今晚我又留咗係佢房間裡面。「你依然想留係到？」佢好緩慢咁眨眨眼，深深地吸咗一口氣，彷似叫我一定要慎重考慮清楚。
「係。我想陪你。」
我指嘅陪伴唔單止係呢一刻，而係包括往後嘅日子。
佢無阻止我留低，然後佢又走到窗前將所有窗閂埋，拉上窗簾。
我熄哂所有燈，只剩下廁所燈係門隙中透射出嚟嘅餘光。
我地再次係黑暗中肉帛相見，我隱約見到佢哀傷嘅面容，就好似我第一次見到佢咁。
我地無好激烈嘅前戲，我好溫柔咁吻佢嘅耳、頸、心口，一直落到佢嘅腰際，我又忍唔住好似琴晚咁樣挨住佢、雙手緊緊環抱住佢嘅身體。
佢坐起身，騎咗上我身上，然後同樣地緊抱住我。
大概我地都有個預感，能夠咁樣係對方身邊嘅時間或者已經所剩無幾，所以唯有盡情地將對方抱得更實，感受尚係眼前嘅大家。
一個唔留神呢僅餘嘅時光都會被白晝嘅來臨而推走。
我同Vivian都係。
「我好鍾意你。」我再次係佢耳邊講。
「我都係。」
佢此刻望落唔似做緊愛，反而似坐係公園上面玩搖搖板嘅小朋友，輕輕咁前後擺動住佢嘅身體。
佢將頭放係我嘅肩上面，手往頸嘅後面圈住我，然後搖得更加起勁。
「唔好記得我。」我彷彿聽到佢一絲嘆息，係我耳邊迴盪住。
我無膽亦無力作出任何回應，只能盡力享受同佢歡愉嘅每一秒。
好可惜我居然覺得好難過。
我諗呢次係我人生唯一一次做愛做得如此悲傷，連少許嘅快感都感覺唔到。
－－－－－－
我一直以為疏離係需要循序漸進，後來發現疏離可以係一瞬間嘅事。
就好似我同Vivian咁。
佢始終都係逃脫咗。
嗰晚之後，我就再無同Vivian見過面。
佢好似搬走咗，又或者只係我撞佢唔到，我唔肯定。
至少可以肯定嘅係，我無再係樓下見到佢食煙嘅身影。
連一枝煙嘅時間都見唔到。
有時候我好懷疑，到底我係咪真係認識過呢個人，抑或所有嘢都只係我見到嘅幻象？
所有事好似都係一刻間發生，又係一刻間完結咁；我又回復以前嘅生活。
我重新再燃點返香煙帶比我嘅感覺，雖然煙本來就一啲都唔好聞，更加稱唔上好食；不過每當我患得患失嘅時候，好似得返枝煙可以陪伴我。
原本應該一早戒了 還是不捨得我的尼古丁
多麼致命 絕症
最後與我同步呼吸嘅就僅僅只剩下呢枝尼古丁。