30歲的最後一個月， 我成為了一個職業賭徒。: 第三章

  
 坐在這噴射船中， 不得不感慨世事難料。
 
「一支紅茶 !  唔該 !!! 」  我決定也叫一支茶嘲弄一下自己。我永遠也會記得我來澳門的那一程船，那戰戰兢兢，生離死別的心情。
 
凱茹說她上網看見「南生圍」非常的漂亮，於是嚷著要去。 作為一個攝影師，我當然了解這地方。不過從港澳碼頭去還真的十分痛苦呢。 估計去到已經是黃昏，而離開的時候已是日落吧。
 
「記得我細個呢，每逢星期六日爸爸都會帶我周圍玩，有一次佢突然挑起條筋話要去香港，咁就即刻動身坐船出發。」
 
「咁你阿爸都幾錫你丫 !! 突然之間過大海, 你嗰陣一定好興奮 ?」




 
「其實平時都係去下公園，行下商場嗰啲.... 係嗰次特別啲啫。 不過又初中開始，我又開始進入反叛時期，就唔想同佢出街啦。」
 
「咁都好正常啫.....」
 
「我記得我十六歲生日嗰陣，自己一個人偷走咗嚟香港。」
 
「下? 咁大膽 ?」
 
「嗰陣時覺得16歲係一個大關口，我已經唔再係細路女，就係覺得要做一啲嘢。於是我就自己買船飛出左香港，我記得我一個人去咗赤柱。」




 
「你真係好型 ! 」  我心想有錢女就是不一樣啊! 我16歲的時候可能連旺角也冇錢去。
 
說著又說著，她在我的肩膀上睡著了， 我不想睡但也乾脆把頭倚過去。
 
接著我們乘搭了鐵路和小巴 ，最後總算來到了南生圍了，乘了老伯撐著的橫水渡，我們來到了這著名的濕地。
只見路的兩旁也是遮蔭的樹，外間是濕地和比人還要高的芒草。這裏其實什麼也沒有，但卻是像童話一般的美麗。
 







就在這時，我們聽到了怪聲。


 
又是貓叫聲。

 
又是慘叫聲。


 
我倆聚精會神的聽，然後凱茹說: 「 不如我哋搵佢出嚟 !!! 」
 
於是我們跟隨著貓叫聲的方向前進，這裏應該沒有虐貓狂徒，會不會是被困在樹上?




 
隨著聲音越來越近，我們找到了聲音的來源，就在這草叢之中。探頭一看，我們也呆了。
 
那是一隻雀。
 
怎麼會有扮貓叫的雀?
 
「原來係喵喵雀........」 凱茹很認真的說 。
 
「邊有喵喵雀架.......... 佢只係進修外語姐....」
 
因為這隻雀的關係，我們已經被騙了走入偏離人群的地方， 我們乾脆走入去南生圍的芒草叢裏面。
 
 
我永遠會記得這最漂亮的畫面。




 
 
攝影師心目中最美麗的畫面都一定是出現在沒有用相機拍下的時候。
 
 
 
眼前的畫面就是她的背影，那一個背囊和貓的鎖匙扣 ，四周也無人就只有她和一望無際的芒草和天空。 已到了日落時間， 陽光變得十分柔和綺麗，這是攝影界稱謂的  Magic Hour。
 
她在中間停了下來，這是剛好黃昏照耀的角度。原來她只是純粹找到了一級很矮小而扁平的石頭站了上去。
 
「呢個係我嘅島 !! 」
 
她站上石頭上，這個高度變得跟我剛剛好， 我和她的距離是這麼的近。
 
我擁抱了過去。




 
不知道時間過了多久，她告訴我:
 
「你睇下 !!! 係兔仔雲 !!!!!! 」
 
於是我拖著她走了出去，一邊追著那兔仔雲，一邊往出口漫步離去。 我們一邊走一邊很自然的閒談著，不記得什麼時候放了手，然後我就沒有再刻意拖回她的手了。
 
我這一個月的澳門賭徒生涯，就這樣的偷偷回香港過了半天，其實感覺也像不曾回來一樣。 唯一最實在的，就是當我踏足香港的那一刻，我的SMS 被銀行轟炸了，催促著交款。
 
 
坐船回去的時候， 凱茹說:
 
「 其實呢............點解你係都唔肯去佛羅倫斯賭場既 ? 」
 
「我咪講咗好多次囉.........」




 
「果度有恐怖小丑呀嘛 !!」
 
「咁你又要問 !!! 」
 
「呢個答案滿足唔到我囉 !!! 我真係個個賭場都去過曬，就係冇入過呢一間!! 今日咁開心，你陪埋我入埋去得唔得呀?  」  她一邊裝可愛一邊說。
 
 
烏鴉說:  「別再躲了， 也差不多是時候吧 !! 」
 
 
「咁好啦，既然你咁想去......... 但你要應承我一定要喺我身邊，唔準行開。 ok ? 」
 
「 得啦 !!知你怕小丑呀嘛 !! 有我喺度唔驚啦 !!! 」
 
 
就這樣我們來到了佛羅倫斯賭場。 進入賭廳之前我們需要走過購物運河，還有那一個油漆的天幕。
 
果然，兩個小丑在那裡裏，他們看見了我們， 立刻走上前。
 
凱茹看見他們走過來，她怕我會怕，雙手擁著我的手臂。
 
 
小丑說: 「 Hello !!! 你哋好嗎 !!!! 」
 
 女小丑說: 「小姐 !!  你係我哋賭場今日第一千個經過呢條運河嘅幸運顧客呀 !!
 
小丑說:  「我有一份小禮物送畀你 !!! 」
 
凱茹望了一我一眼，見我沒有異樣，回答說:
 
「係咩嚟㗎?」
 
小丑從衫袋裡取出兩條金鏈。 一條掛著一個籠中鳥的吊咀，而另一條是掛著一粒骰仔的吊咀。
 
「你可以喺呢兩條裡面揀一條做禮物呀!!!! 」
 
凱茹 開心得蹦蹦跳起來。
 
「好靚喎..........真係好靚呀.......... 兩條都咁靚，點揀好呀?」 凱茹問我。
 
 
 
「條鏈你家嘛!! 梗係要按你嘅心水自己揀啦.......」
 
「兩條都好靚呀..........  籠中鳥個意思好似麻麻地，但係個金雀同埋個鳥籠嘅吊咀又好似好靚。骰仔好似好爛賭，但係六面點數既水晶襯出嚟又幾好睇........  唔識揀呀 !!!!」
 
 
 

 籠中鳥還是骰仔，我也想知你會怎樣選。