30歲的最後一個月， 我成為了一個職業賭徒。: 第三章

「你係講得啱 !! 我係冇咗嗰種拼死嘅覺悟，但係喺澳門呢個環境真係做唔到啲乜嘢, 呢度從來都冇輸出嘅文化， 而家就只有外來嘅錢同埋移民既侵入 !! 唔通我一個人可以改變一個城市嘅命運咩? 我都有曾經努力過㗎 !!」
 
 
「喺澳門好難做音樂又點??  你運氣唔好又點 ??  就算明知打唔贏喺頭先咁嘅情況你都會掙扎啦 !!!
 
 我同你講，以你定義嘅運氣嚟講，我個人都係完全無運氣， 喺香港做創作都真係好難.........
 
我都只不過係喺度做垂死嘅掙扎，但係我唔似得你咁有天份，但係就算冇天份又點 ??  我係唔會甘於平凡，我點都會拼死掙扎落去。
 
你試下唔打機一日，淨係坐喺度諗，你一定可以諗到最少100樣嘢可以做。但最後果結果, 就往往係諗到100樣嘢但最後做左200樣嘢出嚟，然後那怕只有一樣野係有用既。」




 
「嗱 Darren ，出自阿楓把口咁講又真係有啲說服力嘅，你都話佢可以用條命去同個揸刀既爛仔去搏啦。我仲知道佢另外一個搏命嘅秘密添............不過你唔好似佢咁極端，做到一半已經好好㗎喇。」 Jacob 說。
 
 
 
「如果你講緊我同嗰個虐貓佬打交嘅例子，咁又唔算真係搏命。」
 
「點解呀 ? 」
 
「我知道我一定會贏， 因為當時有 Darren 喺度 ， 然後就係我預先就知道我嘅結局。」




 
「下???」
 
「 我直覺我最後一定會係一個人孤獨咁樣死， 所以上次咁嘅情況我覺得我係唔會輸嘅。」
 
 
 
 
 
 




第二天早上六時，我起床後發現我是一個人的，那麼說 Jacob 昨晚應該就那樣飄飄忽忽的回去了，但是Darren 也不在 ，要麼他就是跟了 Jacob ，要麼他就真的起床發奮圖強了。
 
不過這可能性比買中兩次17號更加難吧，希望他沒有生氣才好。不過我倒沒有後悔昨晚說過的東西，那可是我的真心話而且要很多酒精才可以解封出來， 就算他生氣也是值得的。
 
 
酒醉過後頭痛欲裂，我緩慢的在梳洗，也稍為清理一下昨晚後客廳的亂局，八時左右凱茹短訊給我了。
 
「 起身未?? 」
 
「起左啦..........  你咁早?? 真係九星連珠天文異象。」
 
「咁九點鐘你樓下間茶餐廳等啦 !! 」
 
「咁早搞乜嘢 ? 」
 




「我哋去巴黎................  」
 
 
 
這次又搞什麼鬼 ?  不會是覺得我還有賭本，所以逼我再賭一般鋪 ?，還是逼我直接用錢買吧 ?  不過她不像是這種人，她雖然古靈精怪又古古惑惑，但我感受到她本質十分善良和純真。
 
難道是她出錢請我去 ?這美夢會不會太誇張太自作多情 ? 怎樣也好，看看她要說什麼。
 


 
 
這地球只有香港人和澳門人才會吃即食麵當早餐吧。我一邊吃一邊等一邊納悶著。
 
凱茹來了，然後點了餐。




 
「點呀?? 係咪嚇死你呢......」
 
「 你講去巴黎 ?  唔嚇死呀.......  好期待添。  你係咪有辦法出錢請我去?」
 
「 你就想 !!!! 我同你講下咋 !!!! 」
 
「車!!!!   等我仲咁期待添 !!!  咁你咁早出嚟想玩乜嘢呀 ??? 」
 
凱茹眼睛轉動了一下，然後笑著說: 
 
「我哋去香港 !!!!!!!!!!!!」
 
「下????????????? 」
 




「我唔理 !!! 你琴日輸咗搞到冇得去巴黎，今日你點都要帶我出去玩 !!!  澳門我已經玩厭咗喇 !!!  你帶我去香港 !!!!!!!!!!!!」
 
 
 



 
出發前計劃了三個月，寫下各種周長的計劃和變數，原意是澳門賭到31歲才回去，可是半路中途我卻要即興的偷偷回去一次嗎?