30歲的最後一個月， 我成為了一個職業賭徒。: 第三章

 
 
「我都係揀呢個啦  !! 」  凱茹指著籠中鳥的頸鏈。
 
「好丫 !!!  送畀你 !!! 恭喜曬恭喜曬 !!!!! 」 小丑說。
 
然後我們離開了，我回頭望一望，那兩個小丑對著我慢慢的揮手。
 
 
要是你們夠膽在這時做什麼，我一定會跟你們拼命。




 
就算是跟全世界對敵，我也要保護這個女孩。
 
「 其實你都唔係好驚小丑姐，我見你頭先好冷靜呀 ! 」 凱茹說。
 
「 我從來都唔係驚，只係唔鍾意...........」
 
「 又係童年陰影嗰啲 ?」
 
「 或者有一日， 我會講曬畀你聽既。 」我望著她的眼說。




 
「車好叻咩 !! 我而家唔想聽啦 !!! 」
 
 
我跟凱茹入了賭廳 ，四處徘迴。
 
「 車 ! 我以為會同其他賭場唔同， 咪又係差唔多 ?」
 
「我話咗㗎啦......... 唔通真係又要有意大利風情咩 ?」  凱茹聽了立刻給了我那個經典的鬼臉。
 




「 你今日淨係陪我，都冇賭過，你使唔使做你嘅嘢 ?」
 
「唔啦... 今日咁攰，又搭車又搭船，咁嘅狀態賭黎做乜鬼。」
 
「哈哈 !! 咁你都唔係好爛賭啫!!!   但係至少我贏咗一條頸鏈 !!! 」 凱茹發自內心的笑出來。
 
「冇錯呀.............」
 
 
就這樣我們各自回去了。
 
 
回到 Darren的家， 房門打開著，所以他應該上班去吧?
 
 




但是窗邊的木結他仍然在那裏，那麼他就是沒有上酒吧?  他去了那裏?
 
 
 
我有不好的預感 。