最後一單大茶飯-修訂版: 第六回-蓮花

就咁，我帶咗佢去見搞屎雄。
 
「我未話未搵到人囉，你唔需要咁心急喎。」
「唔係摧你呀。我搵到一個人才呀。」
 
「就係你隔離果個？」
「無錯。」
 
搞屎雄用凌厲既眼神打量個偽毒。
 




「我係街道遇到佢，見到佢比D MK仔打……」
話無講完，偽毒就插把嘴過黎。
 
「雄哥我至小已經好憧憬你既啦。」
「我都想成為好似雄哥咁既賊王。」
 
個偽毒把嘴真係油到媽都唔認得，滿口鞋油，
係到猛咁幫搞屎雄擦鞋。
 
依條偽毒果然唔簡單。




我無搵錯人。
 
只見搞屎雄一面既愉悅。
可想而知，偽毒已經成功伸隻腳入黎依個大茶飯。
 
「見你咁識講野，還掂我重未搵到人。」
搞屎雄竟然毫不猶豫就比依個偽毒入夥。
 
我諗起佢之前同古明華既對話。
 




我地都之不過係到互相利用。
各自有自己既目的。
 
但咁樣都唔錯呀。
 
至少我地因此一齊，
各自用同依餐大茶飯，達成自己既目的。
 
何樂而不謂呢？
 
幾日後，我地聚係搞屎雄果夜總會。
係k房有幾條友圍住張檯坐。
此刻佢地既看似好渺小，但佢地既身影係燈光既映射下顯得非常巨大。
 
依幾個人，分別係賊界老屎忽搞屎雄、面目猙獰既古明華、外表看似好好蝦實則內心十分古惑既偽毒，當然亦唔少得我依個係賊壇老笠底褲出名既老手。




 
同時亦有一個新面口。
 
我會話佢總有一種格格不入既感覺。
 
唔老。
唔猙獰。
好睇。
 
我覺得有一種好特別既氣質係到圍繞住佢。
沒錯，就係仙氣。
係我地一班痴漢既襯托下，佢就好似一朵出淤泥而不染既蓮花。
 
「佢就係今次出錢投資我地今次大茶飯既金主。」搞屎雄介紹。
「我叫小張，請大家以後多多指教。」少女既聲音亦好乎合佢既嬌玲既外表。




 
有邊個會諗到一個咁既女仔都會想食大茶飯。
中國古代出名既賊我只認識一百零八個好漢，宋江、武松……
就算係西方出名既賊亦只係羅賓漢，都係男既。
 
古代出名既女子唔係英雄，就係統治者，
試問邊有女會淪落到做賊先得既。
 
我唔否認自己有D性別歧視，但我始終認為做賊係男人既專利。
女人都可以做賊，但並唔係攞炮攞槍個種賊。
 
女人單靠個地既面孔，個地既肉體，
就可以無條件咁搶奪男人既銀包內既紗票。
 
甚至可以掠奪男人既頭腦。




 
女人根本就係一個天生既掠奪者。
 
只見(包括我在內)大家都開始色瞇瞇咁望住佢。
 
「小張，你好！我叫J神呀。」
偽毒一馬當先，掙住要比依朵蓮花一個好印象。
 
「J神，你好。」
小張含羞咁回應佢。
 
對於我依個對女人戒心重重既賊黎講。
簡簡單單四個字，所包含既意思唔可以話多又唔可以話少。
 
佢既意思可以只係一聲招呼。




亦都可以係向j神偽毒示好。
 
究竟佢係咩意思啦？
 
「今日約大家黎係想分享下我既大茶飯計劃。」
「我地要搶邊間金鋪？」我好奇問。
 
「我依家唔會講住。」
「我會先講打劫既行程。」
 
搞屎雄拿出兩張看似係平面圖既東西。
 
我心諗，依個係咩金鋪黎既，有兩層既？
 
「日期我會遲d再補比大家。首先我地要有充足既準備。
控槍既熟練度，行動既熟悉度……。」

就咁樣，我地既訓練已經開始咗。

----------------------------------------------------------------------------------------------------------------

植入式作者的話:
小弟平生無咩叻，最叻係道FFd故仔，
如果鍾意我既作品，歡迎黎我既專頁 ​
https://www.facebook.com/graylittledog/ 
比我一個Like，比我知道你既支持，比我有更大既動力去創作。

想睇我其他作品，或者想追故仔最新既動向可以去依道
https://www.shikoto.com/author/11830/%E7%81%B0%E8%89%B2%E5%B0%8F%E7%8B%97.html