最後一單大茶飯-修訂版: 第五回-偽毒

我又去咗輝記茶餐廳。
「照舊呀，唔該。」
「好快就黎。」輝叔，依舊係咁精神活潑。
 
D野食好快就出現啦。
依個時候，我望到之前個金毛MK仔。
 
哼，還掂全部都係雞，試下叫佢一齊食大茶飯都好喎。
 
「喂靚仔。」我拎住碟波羅油，熱奶茶，過去佢坐緊果個卡位。




「阿叔，你做咩野過黎搭檯？」個MK仔一口惡言。
 
「啦，我依家有大茶飯請你食。」
「咩野大茶飯，我係直既，你唔好借D野過黎搭訕啦。就算我係GAY既都唔會搵個咁大年紀既。你死心啦，阿叔。比我安安靜靜食個飯好唔好？」
 
「睇黎你唔係我想搵既人。」
「我先走一步。」
 
我拿拿聲食埋個包，飲埋杯野。就走左啦。
 




走既時候，暗暗聽到一句。
「依個阿叔真係癲癲地。」
我都回罵咗一句。
「D MK仔真係靠唔得住。」
 
搞屎雄唔搵我，即係佢仲未搵到人。
 
我好想快d拎住把ak揚名海外，登上報紙。
正當我係度ff之際，我又係條街撞到個mk仔。
 




「仆你個臭街，夠膽係到搞我地d貨。」
只見mk仔係度打緊一個戴黑框眼鏡既少年。
 
「我……我邊有姐。」
「你條Hihi，食咗d貨又唔認！！」
 
「我真係無呀。」
 
「偽毒真可恥，做咗又唔敢認。」
「最憎就係你依偽毒。」
 
Mk仔拿出十大武器之一既槢櫈。
 
一野轟落去。
 




睇依喎個偽毒凶多吉少。
 
說時遲，那時快。
我已經一手接住佢張槢櫈。
 
「阿叔，又係你！！」
「雖然我係一個賊，但我係一個路見不平就要拔刀相助既賊。」
「我理得你係咩水，兄弟同我打！！！！。」
 
輾轉間，一打MK仔衝晒出黎。
 
偽毒躺係地下到震。
「估唔到，我今日終於有機會洗出我既必殺。」
 
我戴上我副黑超。




 
個一打MK仔好似比我依個行為嚇怔左。
我諗依D一定就係霸氣。
 
半晌，我係我個衣袋摷下摷下。
 
搵到啦。
係我係沙士老笠番黎既底褲。
 
我模仿起李小龍。
 
當條底褲係雙節棍咁揮黎揮去。
有時仲會發出李小龍「喲喲喲」既聲音。
 
班MK仔好似真係比我嚇呆左。




全部係到傻笑。
 
「依條傻佬又幾好笑喎！」只聽到其中一個Mk仔既聲音。
 
「哼。」我不禁嗤笑。
「你地有眼不識泰山。」
 
「依條底褲係03年我係條巷到搶番黎既。」
「阿叔，有病睇醫生啦。香港既不快樂排名榜上有名。
而家睇精神科好普遍既。」
「依條野，我係一個暈左既人到拎既。」
 
MK們既臉色泛青，佢地終於開始意識到將要面對既危機喇。
 
「走呀，依條友堅係痴既。」




好快，原本充滿Mk既街上，人影都無隻。
 
只係靜番我同個被稱為「偽毒」既物件。
 
「你無事？」我伸手想扶起佢。
「你咁多事做咩？」佢一手打走左我隻手。
 
「你比人打，我未幫拖囉。」
「唔通你好依味野？」
 
「你係到up咩？」
「你係M？」
 
「咩料呀。」
 
偽毒用中指整理一下眼鏡，睇黎係佢既習慣。
 
「唉。」偽毒嘆氣。
 
唔晒比人打都咁sad，睇佢病既程度都幾深下。
「hi，今日咁黑仔。」
「如果唔係遇到你，事情唔會變到差囉！」
 
「我食住人地d貨，原本比人打下，比佢地消消氣，咪無事囉。」
「依家你咁樣走出黎。」
「依鑊，人地一定以為我拎咗佢地d貨。」
 
聽下佢講。發現依位偽毒先生，諗既野又幾全面。
我知道，我眼前既人一定係一個不可多得既人才。
 
「喂，有大茶飯食。你食唔食？」
「下！」
偽毒既表情好似比我口出之言剌中咗佢個心。
 
「坦白講，你係唔係係青山跑出黎？」
 
「我諗往遲D持祴打劫。」
 
「你認真既？」
 
「當然啦。」
「我點信得你過？」
 
「我係搞屎雄d fd。」
「行內人都識搞屎雄既啦。」
 
「我帶你去見佢囉。」
「就咁話啦。」
 
偽毒既眼發亮，而我不知道佢既眼色究竟係因為開心又得做大茶飯，抑或係其他事情而發出既。

----------------------------------------------------------------------------------------------------------------
植入式作者的話:
小弟平生無咩叻，最叻係道FFd故仔，
如果鍾意我既作品，歡迎黎我既專頁 ​
https://www.facebook.com/graylittledog/ 
比我一個Like，比我知道你既支持，比我有更大既動力去創作。

想睇我其他作品，或者想追故仔最新既動向可以去依道
https://www.shikoto.com/author/11830/%E7%81%B0%E8%89%B2%E5%B0%8F%E7%8B%97.html