最後一單大茶飯-修訂版: 第七回-槍法

咁樣，我地既訓練已經開始咗。
 
藍天白雲，草地隨風擺動。
 
我戴住黑超，手拎咗把槍。
聚眼一睇，遠方放咗幾個罐頭。
 
將槍柄頂係手臀上，
，深吸一口氣，閉氣瞄準。
手指停係板機既位置。




 
風吹，草動，發出窸窣窸窣既聲音。
 
風停，草靜，係砰砰砰槍火既聲音。
 
重呼一口氣，滿鼻都係火藥既味道。
 
正當我想行過去罐頭既時候。
「hi Auntie。」
係我身後既偽毒j神。




「唔晒行過去啦。一罐可口可樂都無掉。」
「唔係呀，明明中咗一個既。」我唔服氣。
 
「你咁樣咪話去食大茶飯，就算連幫我抹屎忽既資格都無。」
 
「你講到自己咁勁。你黎試下囉。」
「唔晒你講，我都會啦。」「依個對我黎講不過係衣屎汁(easy job)。」
J神一手搶住我把ak12。
 
突然間，佢好似進入住認真mode。成個樣唔同晒。




佢用右眼瞄一瞄，右手托一托。
 
唔晒半刻，又係一陣槍火既聲音。
遠望罐頭並無掉下。
 
反而成個人倒下，面朝天，手腳朝地。
「你做咩野？」
 
「唔通連個天都唔鐘意我？」
個偽毒係到自怨自艾，唔知受咗咩刺激。
 
「你地點搞既。古明華過去蘇卡厘(show Corley)。你地睇野啦。」
係後面涼緊樹蔭既搞屎雄講。
 
古明華一言不發，走過黎，汁起偽毒丟係地下既ak。




 
風一掠過，只見遠方豎位係木柱既三個罐，掉低咗兩個。
 
我同偽毒J神都呆晒。
 
反觀，古明華霸氣掉低手上把槍。
 
「好心，你地學下佢啦。」
 
「好似好好玩，介唔介意我試下。」小張用佢把溫柔既聲音。
 
「真係希望在明天。小張你等我一陣先，我幫你汁好d罐先。」
偽毒j神一副慇懃既樣，為求搏到小張既青睞搏到盡。
 
不消一陣，三個罐頭又整齊豎立係木柱上。




 
「小張，可以啦。」
「j神，你真係好好人！」
偽毒j神既表情當頭爽晒。
 
「都同你講，希望在明天既啦。」
「都唔知你係到up咩？」
 
小張嘗試拎起把槍。
 
「原來咁重既。」
「太重就唔好勉強啦！」偽毒jason十分關心咁講。
 
睇黎佢已經比人老笠，佢既心已經不翼而飛。
 




此時，小張已經用非常標準既姿勢。
左手托起槍口既位置，槍柄則用右手膊頭靠住。
 
一眨眼，砰砰砰，接著係鐺鐺鐺既金屬聲音，
三個罐頭都比子彈穿過，落係地上。
 
人果然不可貌相，即使係一個係一朵美麗花，一唔小心，
都會比佢既刺親。
 
我好似一D碎左既聲音，並唔係罐頭丟落既聲音，而係類似玻璃既聲音。
 
「我的媽噢。」
只睇到偽毒j神，人不似人，鬼不似鬼。
佢既心已經徹底比人踩碎左。
 




「hi，睇黎大家既槍法都……都有待改進呀。」


----------------------------------------------------------------------------------------------------------------
植入式作者的話:
小弟平生無咩叻，最叻係道FFd故仔，
如果鍾意我既作品，歡迎黎我既專頁 ​
https://www.facebook.com/graylittledog/ 
比我一個Like，比我知道你既支持，比我有更大既動力去創作。

想睇我其他作品，或者想追故仔最新既動向可以去依道
https://www.shikoto.com/author/11830/%E7%81%B0%E8%89%B2%E5%B0%8F%E7%8B%97.html