屍殺大廈: Ch.16
「件事喺4年前發生…………」小纓低沉地說
================================================================
「我哋唔可以再係咁等落去……我哋要知道發生緊啲咩事！」肥雪的兄弟，啊華說
啊華雖然是個神父，可說是個踩過界的神父，因為他不但信耶穌基督，而且還懂得驅魔，爲人敢作敢為。而肥雪常常跟隨他，因為他覺得啊華畀佢安全感。
「啊華啊！你冷靜啲啦！」肥雪說「咁衝動都解決唔到件事架！」
「雪啊！你怯就唔好再跟住我！」啊華說
「其實我同意啊華……我哋應該要睇下究竟發生咗啲咩事……冇理由2年都冇人嚟救我哋…」達叔開聲
「琴日……我…我又見到人食人啦……」小纓細細聲說
「雪！你唔嚟就算！」啊華說「攞架鏟！我哋要走！」啊華舉起手
就是這樣，包括達叔、小纓，大部分被困的人都跟隨啊華，唯獨是肥雪沒有。
肥雪獨自在單位裏，起了恐懼之心，見他們走得不太遠，於是便跟隨他們。
「唔洗驚喎！勇啲啦！」啊華鼓勵他
他們落到3樓。突然他們見到一群殭屍在樓梯間遊蕩。
肥雪躲在最後，而啊華卻帶頭。
啊華揮揮手，好似想同眾人說去攻擊
但肥雪卻搖頭。於是啊華就走到他的面前「怯！就輸一世！」
於是啊華便大嗌「衝！」
眾人們都拿着架鏟打殭屍。場面血淋淋的，但優勢並沒有持續，有好多人都畀殭屍咬了，隔幾分鐘便變成敵人，因此殭屍越嚟越多，人就反而越嚟越少。
「華！救命啊！」肥雪喊道，他手持鐵管，與殭屍鬥力
「雪！」啊華便二話不說走過來，幫肥雪解困
「唔該……」肥雪低頭
「雪！你唔可以成日喱係我後面！由細到大，你都係跟住我……我做咩你就做咩…唔可以咁架！我相信你仲有一日一定會企係我前面！」啊華十分虛弱
隨即啊華倒地了
「華！華！華！」肥雪跪低，猛力地搖啊華
與此同時，殭屍亦不地增加
「雪！走喇！」達叔嗌
===============================================================
「……就係咁…肥雪足足一年冇同過人講嘢。但係可能佢終於領悟到啊華個句，於是就變成依家咁」小纓說
原來肥雪係特登將自己變成咁，因為咁先可以掩飾佢心入面嘅恐懼
「咁有幾多個生還者？」我問
「仲洗問……緊係我哋啦……」她輕輕拍打我的頭「達叔、肥雪、坤仔、啊迪、啊文同埋我…個師奶就唔知係邊度咇出嚟嘅…」
照小纓所說，他們真的不知道那神秘人的存在，那現在目前我知道的應該只有6個生還者。
「我啊爸都係喺個日失蹤咗……可能已經死咗……」小纓低沉地說
我呆了，便立即走到她旁邊，擁抱着她，給她溫暖、呵護。
「我已經失去咗最親嘅人……我唔可以畀歷史重演……」小纓攬實我，哭了起來。
喊下喊下，小纓便撲喺枱面休息。我就周圍搵下有冇啲有用嘅線索。搵咗一段時間，竟然畀我搵到個收音機。
我開着咗部收音機，但係一把人聲都冇，只得啲『滋滋』聲。此時，小纓醒了
「我嘈醒你啊？」我問
「我話係，你係咪畀我打啊？」她諷刺地說「舊嘢咩嚟架」她指着我手上的收音機
「收音機囉……啱啱搵到嘅……」
「收唔收到？」她問
我遙頭
過咗一陣，收音機嘅『滋滋』聲冇咗……
「shhh！命！你聽唔聽到」小纓十分緊張
我走到收音機面前，把耳仔靠近收音機
收音機嘅『滋滋』聲冇咗，換嚟嘅係一啲『滴滴』聲…就好似用指甲輕輕力地敲枱。
「得啲『滴滴』聲……冇咩特別啊」我說
「唔係喎……你再聽清楚啲……啲聲係有頻率，有啲長有啲短……」小纓說得頭頭是道的「會唔會係暗號……」
「暗號……滴滴滴……密碼……」我硬着頭皮分析
「……摩斯密碼！」小纓和我異口同聲地說
難道逃出地獄這目標有再近了一步。如果這些摩斯密碼是逃出嘅關鍵，咁就有機喇……