屍殺大廈: Ch.15
一起身，發現達叔他們已經不在，得我同小纓赤裸裸地躺在貨櫃上。
「小纓！小纓！醒啦！」我幫她穿上衣服
「做咩啊？」她伸了一個懶腰「琴晚件事…你唔好同人講……」她傾向我的耳仔面前「你……你好勁」她害羞地笑
我尷尬地笑着「唔好講呢啲啦！我哋要搵番佢哋！可能佢哋以為我哋畀人捉咗」
「你去邊，我就去邊」她笑着
我們便在那一層兜了一圈，卻無他們的足跡。我們就像入了結界，找不到他們，連殭屍都沒有。
「佢哋喺邊啊？」小纓問
「唔知啊……」我感到無助
我們行完又行……永無止境。再係咁都唔係辦法，於是我便帶小纓到冰工廠，因為我腦海裏的疑惑還未解決。
「你喺到等陣先」我說
「嗯」小纓點頭
我便慢慢地開那控制室門。但是，連個天都撚化我，室裏的咒符、電腦、床統統不見了。
「命！殭屍呀！」突然小纓喊道
「纓！入嚟！快！」我探頭而出
小纓便跑入控制室，而我便關上門。都唔知呢到係唔係撞邪，兩次喺到遇見殭屍。而今次殭屍並沒有走，『他們』在控制室外遊蕩。
「依家點算？」小纓問
「唯有等希望……」我望了望小纓
過了一段時間，殭屍仍在外面，而小纓每隔幾分鐘便在控制室裏周圍望，看看有甚麼有用的工具。
「小纓啊！」我打破那寧靜
「咩事？」她不斷找
「達叔話以前發生過意外……你知唔知係咩意外？」我問
她停低了，彷彿被我這問題嚇呆了。
「達叔冇話畀你聽咩？」她變得十分嚴肅
「冇…」我被她的嚴肅嚇親
究竟當年發生過啲咩事？點解肥雪會變成咁？以前嘅肥雪係點？終於可以知道整件事的來龍去脈……