屍殺大廈: Ch.17
「摩斯密碼…聽就聽過……但係鬼識咩……」小纓埋怨
「唔洗愁喎……我識呀嘛！」我很有自信的
識摩斯密碼其實都係全靠啊豪。我成績就麻麻，啊豪就教我用摩斯密碼嚟同佢溝通。次次小測唔識就用指甲敲一敲枱，唔洗幾秒就會有人應，個個就係啊豪。
「你？！得唔得架」小纓用鄙視的眼神望着我
「得咁點先」我囂張地說
「睇下點……」她始終都不相信我
「好…嚟啦！唔好嘈！我講咩字，你就用筆寫住！」我吩咐
『----(H) - (E) -—-- (L) - — — - (P)…………. -- (I) — (T) -- (I) --- (S) — (T) ---- (H) - (E) - (E) —- (N) —--(D)
— — —(O) --—-(F) —(T) ----(H) - (E) - — — (W) — — —(O) -—-(R) -—--(L) —-- (D)
----(H) - (E) —-— (K) —- (N) — — — (O) - — — (W) — - — —(Y) — — — (O) - - —(U) - — (A) - — - (R) - (E)
---- (H) - (E) -—- (R) -(E)
---- (H) - (E) -- (I) --- (S) — (T) ---- (H) - (E) - — -- (L) - — (A) - — — (W)
— (T) ---- (H) -(E) — --- (B) — — — (O) — — —(O) — - — (K) — — — (O) --—- (F) — (T) ---- (H) - (E)
- — - - (L) - — (A) - — — (W)』
「冇喇？」小纓見我停了
「應該冇……冇晒聲…」我猶疑「點？佢講咩？」
「如果你冇錯嘅話咁就係…」她仍然質疑我的能力「Help…It Is The End Of The World……He Know You Are Here He Is The Law……The Book Of The Law……冇喇…」
「The Book Of The Law ?」我十分疑惑
「都唔知佢噏乜…九唔答八。咩 The Book Of The Law 啫？佢係咪想講 Basic Law 啊」她笑
「唔係！一定有啲嘢嘅！………係時候走啦！」我將這問題移走，否則會變得十分複雜
「冇殭屍喇喎！」小纓從門縫看看出面的情況
「咁行喇！」我說「試下去返個貨櫃場到，可能佢哋喺入面」
「嗯」她點了頭
「頭先嘅事……唔好同任何人講…我會同達叔討論，不過其他人唔知好過知，因為……」
「我明架啦」小纓好像十分了解我似的
差不多到貨櫃場時，聽到一聲「救命！」
「貨櫃場入面傳出嚟！」小纓說
我們一步一步慢慢行近門口，原來是達叔他們…他們被殭屍圍住
「達叔！」我走過去
「命！接著！用你啲血殺佢哋！」達叔隨即拋那劍給我，而殭屍的視線亦轉移到我那邊
我便用劍輕輕地在手掌介一介，血洶湧而出。劍亦佈滿了我的血
我便衝過去，用劍刺殺那些殭屍，但是『他們』沒有灰飛煙滅…我呆了呆，望住達叔
「𡃁仔！你破咗處啦咩？！」達叔十分驚訝
此時，肥雪便出招，兩三下手勢，便 KO 了全部殭屍
「你哋冇事呀嘛！」小纓隨即走過來
「你哋去咗邊呀！我哋以為你哋畀殭屍捉咗呀」坤仔說
「唔好講咁多住！師奶頭先傷咗！」達叔說
我們便到貨櫃場的角位。小纓便為師奶包紮傷口。
「你做咩整親？」小纓問
「冇…頭先跑個陣拗一拗啫…冇事架啦…唔該你」
「喂！點解你啲血殺唔到殭屍架！你破咗處啦？！」肥雪見我在包紮手掌的傷口
「吓……」我望了望小纓「係呀……破咗……」我低頭說
「正契弟！咁快就破處…有前途」他笑
逗留咗喺呢棟大廈都有好幾日，但係我仲係驚死，我驚我自己出唔到去。我怯！我並唔係一個勇敢嘅人。其實我就好似以前嘅肥雪咁，淨係識得跟住人，冇咩主見……我好想走…好想走…
到了夜晚…
除咗達叔之外，個個都瞓晒，於是我就把握機會，同達叔講摩斯密碼嘅事
「達叔……」我細細聲
「啊命？做咩？」他行過來
「我發現咗啲嘢」我遞了那張紙
「The Book Of The Law ?! 」他表情驚訝
「你知係咩？」我問
「聽過…不過唔清楚……」他說
「喺邊到聽過？」我問
「咪……」他望了望小纓「小纓個老豆」
我嚇呆了…但小纓剛才對 『The Book Of The Law 』毫無反應，小纓一定知道這是甚麼…難道…她在隱瞞一些事…
「早唞啦」達叔隨即躺在地上
「早唞…」
當我準備瞓覺嘅時侯，突然有人喺我後面偷襲，我暈低咗……而呢次亦係第二次畀人扑暈,真失敗